ޓުވަރިޒަމް މިނިސްޓަރުގެ މަޤާމަށް ޖުމްހޫރީ ޕާޓީގެ ސްލޮޓްގައި އައްޔަން ކުރައްވާފައިވާ ޑރ.އަބްދުﷲ މައުސޫމް 2013 ވަނަ އަހަރު ބައިވެރިވެ ވަޑައިގެންނެވި އެމްޑީޕީ ޖަލްސާއެއްގެ ހަނދާން އާކުރައްވައިފިއެވެ.
އޭރުގެ ވެރިކަމާއި ދެކޮޅަށް އެމްޑީޕީން ކާނިވާ ސަރަހައްދުގައި ބޭއްވި ޖަލްސާގައި ޑރ.މައުމޫސުމް އިންނެވީ މިހާރުގެ އެމްޑީޕީގެ ޕީޖީ ގްރޫޕްގެ ލީޑަރު އަލީ އާޒިމްއާއި ޖެހިގެންނެވެ. އާޒިމްއާއި މައުސޫމްއަކީ ރައީސް މައުމޫން އުފެއްދެވި ޑީއާރުޕީ ޒަމާނުން ފެށިގެން ވަރަށް ގާތް ކޮށް މަސައްކަތް ކުރައްވާފައިވާ ދެބޭފުޅުންނެވެ.
Once upon a night.@MDPSecretariat MDP rally at Alimas Carnival area,
23rd Oct 2013 pic.twitter.com/vBd0CMVg94— Abdulla Mausoom (@Mausoom_Maus) October 24, 2020
ޑރ،މައުމޫސޫމް އެމްޑީޕީގެ ސެކްރެޓިއޭޓް ޓެގްކޮށް މިއަދު މިފޮޓޯގެ ހަނދާން އާކުރައްވާފައިވާއިރު ޖުމްހޫރީ ޕާޓީގެ ސްލޮޓެއްގެ ގޮތުގައި އޮތް ހެލްތު މިނިސްޓަރުގެ މަޤާމް އެމްޑީޕީއަށް ދިން މައްސަލާގައި ކޯލިޝަން ތެރޭގައިވަނީ ކޮންމެވެސް ވަރެއްގެ ނުތަނަވަސްކަމެއް އުފެދިފައެވެ. ރައީސް ޞާލިހަށް ޖުމްހޫރީ ޕާޓީގެ ފަރާތުން ހެލްތު މިނިސްޓަރަކަށް އައްޔަން ކުރުމަށް ތިން ބޭފުޅެއްގެ ނަން ފޮނުވާފައި ވީނަމަވެސް ރައީސް ޞާލިހު އެނަންތައް ގަބޫލު ކުރައްވާފައި ނުވެއެވެ.
ކޯލިޝަނާއިމެދު އެމްޑީޕީގެ ގިނަ މެމްބަރުން ޚާއްސަކޮށް މަޖިލީހުގައި ހިމެނޭ އެމްޑީޕީގެ ބައެއް މެމްބަރުން ވަނީ ވަރަށްބޮޑަށް ސުވާލު އުފައްދާފައެވެ. އަދި ކޯލިޝަނާއިއެކީ ވެރިކަން ނުކުރެވޭނެކަމަށްބުނެ އެމްޑީޕީގެ މެމްބަރުންދަނީ ފާޑުވިދާޅުވަމުންނެވެ.
ކޮމެންޓު ފޮނުވާ