ޝާހްރުކް ޚާންގެ ތަފާތު ހުނަރެއް ބެލުންތެރިންނަށް ދައްކާލައިފި އެވެ.
އިންސްޓަގްރާމުގައި ޝާހްރުކް އޭނާގެ އަޑުން ކިޔާފައިވާ ލަވައެއް ޕޯސްޓްކޮށްފަ އެވެ. މިއީ "ސްޓްރިކްސީ" ގެ އިޝްތިހާރަކަށް އޭނާ ކިޔާފައިވާ ލަވައެކެވެ. މިއީ ބޮލުގައި ޖައްސާ ކުލައިގެ ބްރޭންޑެކެވެ.
މި ލަވައިގެ ވީޑިއޯގައި ޝާހްރުކް ފެނިގެންދަނީ މައިކެއް ކައިރީގައި ލަވަ ކިޔަން ހުއްޓައެވެ. މުޅި ވީޑީއޯވެސް ފެނިގެން ދަނީ ކަޅާއި ހުދުންނެވެ. މި އިޝްތިހާރު ޑައިރެކްޓް ކޮށްފައިވަނީ ގޯރީ ޝިންދޭއެވެ.
ދާދި ފަހުން ޝާހްރުކް ވަނީ "ޕަތަން" ގެ ޝޫޓިންގ، މުމްބާއީގެ ޔަޝްރާޖް ސްޓޫޑިއޯގައި ފަށާފައިއެވެ. އަދި މިދިއަ ހަފްތާގައި ޖޯން އަބްރަހަމް ވެސް ވަނީ ޝޫޓިންގ އާ ގުޅިފައެވެ. އަދި މައުލޫމާތު ލިބޭ ގޮތުގައި ވަރަށް އަވަހަށް ދީޕިކާވެސް މި ޓީމާ ގުޅޭނެއެވެ. މި ފިލްމަކީ މަޝްހޫރު ގިނަ ތަރިންތަކެއް ހިމެނޭ ފިލްމެކެވެ. އަދި 3 އަހުގެ މެދުކެނޑުމަކަށް ފަހު ޝާހްރުކް އެބުނެރި ބޮޑު ސްކްރީނަށް އަންނަ ފިލްމުވެސް މެއެވެ.
އޭނާ އެންމެ ފަހުން ފެނިގެން ގޮސްފައިވަނީ 2018 ވަނަ އަހަރުގެ ފްލޮޕް ފިލްމް "ޒީރޯ" އިން އަނުޝްކާ ޝަރުމާ އާއި ކެޓްރީނާ ކައިފް އާ އެކުގައެވެ.
