ދިވެހިރާއްޖޭގެ ގައުމީ ޔުނިވަރސިޓީ، އެމްއެންޔޫގެ ލެކްޗަރާ ޝައިޚް ޢަލީ ޒައިދަށް ވެސް އެ ޔުނިވާސިޓީން ފިޔަވަޅު އަޅައިިފި އެވެ.
ސޯޝަލް މީޑިއާގައި ފާޅުކުރައްވާ ހިޔާލުތަކާ ގުޅިގެން އެ ޔުނިވަރސިޓީން އިއްޔެ ވަނީ ޔުނިވަރސިޓީގެ އެސިސްޓެންޓް ޕްރޮފެސަރ ޑރ. މުޙައްމަދު ޢިޔާޒު އަބްދުއްލަތީފް މަގާމުން ވަކިކޮށްފައެވެ.
ޝައިޚް ޒައިދަށްވެސް ފިޔަވަޅު އަޅާފައިވަނީ އޭނާ ކޮށްފައިވާ ޓްވީޓްތަކަކާއި ގުޅިގެންނެވެ.
MNU ga onnany 5 fiyavalhu!
1- angabahun naseyhai dhinun
2- liyumun naseyhai dhinun
3- inzaar
4- suspension
5- kandaalunKoffaivaa tweet thakaa gulhigen baaru speed gai mithanun 2 fiyavalhu alhugandah ves alhaafai vany! Vakyl kurany Allah ah! Biruvethi vanyves ekalaange ah!
— Ali Zaid (@alizaid1000) July 2, 2021
ޒައިދު މިއަދު ކުރެއްވި ޓްވީޓެއްގައި ވިދާޅުވީ އޭނާ ކުރި ޓްވީޓްތަކަކާއި ގުޅިގެން ދެ ފަހަރެއްގެ މަތިން ޔުނިވަރސިޓީން އޭނާއާމެދު ފިޔަވަޅު އަޅާފައިވާ ކަަމަށެވެ. އެގޮތުން އަނގަބަހުން ނަސޭހަތްދީ އަދި ލިޔުމުން އިންޒާރުވެސް ދީފައިވާ ކަމަށެވެ. އެ ފިޔަވަޅުތައް އެޅީ ވަރަށް ބާރު ސްޕީޑްގައި ކަމަށްވެސް އޭނާ ވިދާޅުވެއެވެ.
"ވަކީލު ކުރަނީ މާތްﷲ އަށް. ބިރުވެތި ވަނީވެސް އެކަލާންގެ އަށް،"
– ޢަލީ ޒައިދު
ޒައިދަށް ފިޔަވަޅު އެޅީ ކޮން އިރަކުކަމާއި، ކޮން ޓްވީޓްތަކަކާ ގުޅިގެންކަމެއް އޭނާ ހާމަކޮށްފައެއް ނުވެއެވެ.
ޝައިޚް ޢަލީ ޒައިދަކީ ގައުމީ ޔުނިވާސިޓީގެ ފެކަލްޓީ އޮފް ޝަރީއާ އެންޑް ލޯގެ ލެކްޗަރާ އެކެވެ.
ކޮމެންޓު ފޮނުވާ