ބޮލީވުޑްގެ އެކްޝަން އެކްޓަރ ޖޯން އަބްރަހަމް "ޕަތަން"ގެ ޝޫޓިންގ އަލުން ފަށައިފިއެވެ.
ޖޯން މި ފިމުން ފެނިގެން ދާނީ ވިލަން އެއްގެ ރޯލުންނެވެ. ޖޯން މި ފިލްމުގެ ޝޫޓިންގއާ ގުޅިފައިވަނީ މުމްބާއީގައި އެވެ.މި ޝޫޓިންގ ތަކުގެތެރޭ ޖޯން އާއި ޝާހްރުކް ޚާންގެ މަންޒަރުތަށް ނެގުމަށްވަނީ ހަމަޖެހިފަ އެވެ.
ކޮރޯނާ ވައިރަސްގެ ސަބަބުން ޝޫޓިންގ މެދުކެނޑިފައި އޮތުމަށްފަހު އަލުން މި ފިލްމުގެ ޝޫޓިންގތައް ފަށާފައި މިވަނީ ވައިއެފްއާރް ސުޓޫޑިއޯގައި މިދިޔަ ހަފްތާގައި އެވެ.
ބޮޑު ކާސްޓެއް ހިމެނޭ މި ފިލްމުގެ ޝޫޓިންގއާ ދާދި އަވަހަށް ދިޕިކާ ޕަޑްކޯންވެސް ގުޅޭނެ ކަަމަށް ހަބަރުތަށް ލިބެއެވެ. މި ފިލްމަކީ ޝާހްރުކް ޒީރޯގެ ފަހުން ކުޅޭ ފުރަަތަމަ ފިލްމެވެ. ބޮޑު ބްރޭކަކަށް ފަހު ޝާހްރުކް ކުޅޭ މި ފިލްމުން ސަލްމާން ޚާން ވެސް ހާއްސަ ފެނިލުމަކުން ފެނިގެން ދާނެއެވެ.
މި ފިލްމުގެ ކުރިއަށް އޮތް ޝޫޓިންގތައް ކުރިއަށް ގެންދިއުމަށް ހަމަޖެހިފައިވަނީ ޔޫރަޕުގެ ބައެއް ގައުމުތަކުގައެވެ.
ރިޕޯޓްތަށް ބުނާގޮތުގައި މި ފިލްމު ރިލީޒް ކުރުމަށް ތާވަލް ކޮށްފައިވަނީ 2022 ވަނަ އަހަރުގެ ޢީދުގައެވެ.
