ރިޝީ ކަޕޫރުގެ ފިލްމް "ޝަރްމާޖީ ނަމްކީން"ގެ ނުނިމި އޮތް ބައިގެ ޝޫޓިންގ ފަށައިފި އެވެ.
މި ފިލްމަކީ ރިޝީ މަރުވުމުގެ ކުރިން ޝޫޓިން ފެށި ފިލްމެކެވެ. ނަމަވެސް ފިލްމުގެ ޝޫޓީން ނުނިމެނީސް ރިޝީ މަރުވުމުން މި ފިލްމު ފުރިހަމަ ކުރުމަށް ބާކީއޮތް ބައިގައި ރިޝީގެ ކެރެކްޓާއިން ފެންނާނީ ޕަރޭޝް ރާވަލް އެވެ. މި ފިލްމު ރިލީޒް ކުރުމަށް ނިންމާފައިވަނީ ރިޝީގެ އުފަންދުވަހު އެވެ.
މި ފިލްމުގެ ޑައިރެކްޓަރ ބުނެފައިވާ ގޮތުގައި މި ފިލްމުގެ ޝޫޓިންގ ޕަރޭޝްއާއެކު ފަށާފައިވަނީ ފިލްމުގެ މަންޒަރުތަށް ރިޝީއާއިއެކު ނިންމާލި ހިސާބުން ކަމަށެވެ. ފިލްމުގެ ބައެއް މަންޒަރުތަށް ދާދިފަހުން ވަނީ ކޮލެޖެއްގައި ނަގާފައެވެ.
މި ފިލްމަކީ އުމުރުން ދުވަސްވީ މީހަކު ރިޓަޔަމެންޓަށް ފަހު އުފަލާއި މަޖަލުގައި އުޅެމުންދާގޮތް ދައްކުވައިދޭ ކޮމެޑީ ފިލްމެކެވެ. މި ފިލްމުގެ ލީޑް ރޯލުން ޖޫހީ ޗާވްލާ އާއި ސަތީޝް ޝާހްވެސް ފެނިގެން ދާނެއެވެ.
ޕަރޭޝްގެ ގިނަ ފިލްމުތަކެއް ކުރިއަށް އެބަހުއްޓެވެ. އޭގެތެރޭގައި ފަރްހާން އަހްތަރާއެކު ފެނިގެން ދާ "ތޫފާން" އާއި ޝިލްޕާ ޝެއްޓީއާއެކު ފެނިގެން ދާ "ހަންގާމާ" ފާހަގަކޮށްލެވެ އެވެ.
