ބޮލީވުޑްގެ އެކްޓްރެސް އަދި ޕްރެޒެންޓަރ މަންދިރާ ބޭދީގެ ފިރިމީހާ ރާޖް ކުޝާލް ހާޓްއެޓޭކެއް ޖެހިގެން މަރުވެއެޖެ އެވެ.
ރާޖް ގެ މި ކުއްލި މަރާއެކު ބޮލީވުޑަށް ވަނީ ވަރަށް ބޮޑު ސިހުމެއް ގެނުވާފަ އެވެ. ރާޖް މަރުވެފައި ވަނީ އިއްޔެގެ ހެނދުނުގެ ވަގުތެއްގައެވެ.
ރާޖް ކުޝާލް ވަނީ އޭނާގެ ކެރިއަރުގައި 3 ފިލްމެއް ޑައިރެކްޓް ކޮށްފަ އެވެ. އެ ތިން ފިލްމަކީ "އެންތަނީ ކޯންހޭ" (2006) "ޝާދީކާ ލައްޑޫ" (2004) "ޕިޔާރްމޭ ކަބި ކަބީ" (1999) އެވެ. މީގެ އިތުރުން އޭނާ ވަނީ 3 ފިލްމެއް ކޯ-ޕްރޮޑިއުސް ވެސް ކޮށްފަ އެވެ.
View this post on Instagram
މަންދިރާ ބޭދީ އާއި ރާޖް ކުޝާލް ކައިވެނި ކޮށްފައި ވަނީ 14 ފެބުރުއަރީ 1999ގައި އެވެ. މި ކައިވެނިން އެދެމަރިންނަށް ވަނީ ފިރިހެން ކުއްޖަކު ލިބިފަ އެވެ. އެއީ 2011 ވަނަ އަހަރު އެވެ. މީގެ އިތުރުން މިދެމަފިރިން ވަނީ މިދިޔަ އަހަރު އަންހެން ކުއްޖަކު އެޑޮޕްޓްކޮށްފަ އެވެ.
ރާޖް ކުޝާލް ގެ މި ވަކިވެ ދިއުމާއެކު ބޮލީވުޑްގެ ގިނަތަރިން ދަނީ ހިތާމަ ފާޅުކޮށް ތައުޒިޔާ ކިޔަމުންނެއެވެ.
