ކުޑަ ކުއްޖަކު ރޭޕްކުރި ކަމުގެ ތުހުމަތުގައި ހައްޔަރު ކުރި ޕާލް ވީ ޕޫރީ ފުރަތަމަ ފަހަރަށް މިކަމާބެހޭގޮތުން ވާހަކަދައްކައިފި އެވެ. މި މަހު ކުރީކޮޅު މި މައްސަލާގައި ފުލުހުންގެ ބެލުމުގެ ދަށައް ގެންދިއުމަށް މަފު، ކަފާލާތުގެ ދަށުން މިހާރު ޕާލް ހުރީ ދޫކޮށްލާފަ އެވެ.
އިންސްޓަގްރާމްގައި ޕާލް ބުނެފައިވާގޮތުގައި ހަޔާތް އޭނާ ޓެސްޓުކުރަމުންދަނީ ތަފާތު ގޮތަކަށް ކަމަށާއި ހިތްދަތިވާ އެތަށް ކަމެއް މިހާތަނަށް ކުރިމަތިވެފައި ވާކަމަށެވެ. ނަމަވެސް އިންސާފު ލިބޭނެ ކަމަށް ގަބޫލު ކުރެވޭ ކަމަށާއިި ޖުޑީޝަރީއަށް ފުރިހަމަ އިތުބާރު އޮތް ކަމަށް އޭނާ ވަނީ ބުނެފަ އެވެ.
"މަސްތަކެއް ކުރިން މާމަ މިދުނި ދޫކުރީ އޭގެ 17 ދުވަސް ފަހުން ބައްޕަ މަރުވެ އަދި މަންމަ ކެންސަރަށް ޕޮޒިޓިވް. ހަމަ އެއާއި އެކުގައި އަހަރެންގެ މައްޗަށް މި ތުހުމަތު ތަށް މިކުރީ. އިހުސާސް ކުރެވުނީ "އޯވަނައިޓް" އަކުން މުޖުރިމަކަށްވީ ކަހަލަ އިހުސާސެއް"
– ޕާލް
View this post on Instagram
ޕާލް ހާއްޔަރު ކުރުމާއި އެކު ގިނަ ތަރިންތަކެއް ވަނީ އޭނާގެ ދިފާއުގައި ތެދުވެފަ އެވެ. އޭގެތެރޭގައި އޭނާގެ ކޯ ސްޓާރުންނާއި ހެޔޮ އެދޭ މީހުން ހިމެނެއެވެ. އަދި ހަމަ އެހެންމެ ފްރީ ޕާލް ހޭޝްޓެގް ބޭނުންކޮށްގެން ސޯޝަލް މީޑިއާގައި ވަނީ ކެމްޕެއިނެއްވެސް ކުރިއަށް ގެންގޮސްފަ އެވެ.
އަދި ހަމަ އެއާއިއެކު ރޭޕް ކުރިކަމަށް ބުނާ ކުއްޖާގެ މަންމަ އާއި އެކްތާ ކަޕޫރާއި ދެމެދުގައި ދެކެވުނު ވާހަކަ ތަކެއްވެސް ވަނީ ވައިރަލްވެފަ އެވެ. ވައިރަލް ވި އޯޑިއޯ ކްލިޕްގައި ކުއްޖާގެ މަންމަ ވަނީ ޕާލް އަކީ ކުއްވެރިއެއް ނޫންކަމަށް ބުނެފަ އެވެ. އަދި ޕާލް އެފަދަ ކަމެއް ނުކުރާ ކަމަށް ވެސް ވަނީ އެއްބަސްވެފަ އެވެ. ޕްރޮޑިއުސަރ އެކްތާ ކަޕޫރަކީ ޕާލްގެ ދިފާއުގައި އެންމެ ގަދައަށް އަޑު އުފުލި އެކަކެވެ.
