ޓެމިލް ފިލްމުތަކުން މަޝްހޫރު ކަން ހޯދާފައިވާ ސައުތު އިންޑިއަން ސުޕަރސްޓަރ ވިޖޭ އަކީ ބޮލީވުޑްގެ ތަރި ޓައިގާ ޝްރޮފްއަށް ވަރަށް ތާއީދު ކުރާމީހެއް ކަން ހާމަކޮށްފި އެވެ.
މި މަހު 22 ގައި ވިޖޭ އަށް ވަނީ 45 އަހަރު ފުރިފަ އެވެ. ކިރްތީ ސޫރޭޝް، އަނިރުދް އަދި މާލްވިކާ މޮހަނަން ފަދަ މަދު ތަރިންކޮޅެއް ވަނީ ވިޖޭގެ އުފަންދުވަސް ފާހަގަ ކޮށްފަ އެވެ. ކުޑަ ގޮތަކަށް ފާހަގަ ކުރި މި އުފަންދުވަހުގެ ހަފްލާ އޮންލައިންކޮށް ބާއްވާފައިވަނީ ކްލަބް ހައުސްގަ އެވެ. މިތާގައި ވާހަކަ ދައްކަމުން މާލްވިކާ ބުނެފައިވަނީ ވިޖޭ އަކީ ޓައިގާ ޝްރޮފްގެ ވަރަށް ބޮޑު ފޭނެއް ކަމަށެވެ.
ވިޖޭ ވަނީ 2019 ވަނަ އަހަރު ނުކުއިތް ބޮލޮކް ބާސްޓާ ފިލްމް "ބިޖިލް" ގައި ޓައިގާ ގެ ބައްޕަ ޖެކީ ޝްރޮފް އާއި އެކުގައި މަސައްކަތް ކޮށްފަ އެވެ. މި ތަރިންގެ ފޭނުން ދަނީ މި ދެތަރިން އެކުގައި ފެނިގެން ދާނެ ފިލްމަކަށް އިންތިޒާރު ކުރަމުންނެވެ.
View this post on Instagram
ވިޖޭ ދެން ފެނިގެން ދާނީ "ބީސްޓް" އިންނެވެ. މި ފިލްމުގެ ފުރަތަމަ ލުކް އަދި ޓައިޓަލް ވަނީ މިހާރު އާންމުކޮށްފަ އެވެ. ވިޖޭ އާއެކު މި ފިލްމުން ފެނިގެން ދާނީ ޕޫޖާ ހެގްޅޭ އެވެ. މީގެ އިތުރުން މި ފިލްމުން ޔޯގީ ބާބު، ޝައިން ޓޮމް ޗަކޯ އާއި ވީޓީވީ ގަނޭޝްގެ އިތުރުން އަޕަރްނާ ދާސް ވެސް ފެނިގެން ދާނެއެވެ.
