ޓެމިލް ފިލްމް އިންޑަސްޓްރީގައި މަޝްހޫރު ތަރިން އަންނަނީ ބޮލީވުޑްގައި ވެސް އެމީހުންގެ ހުނަރު ދައްކަމުންނެވެ. އެގޮތުން ސައުތު އިންޑިއާގެ ފިލްމް އިންޑަސްޓްރީގެ ބައެއް ސްޓާރުން ވަނީ ބޮލީވުޑްގައި ހީނުކުރާފަދަ ޖާގަ ހޯދާފަ އެވެ.
އޭގެ ތެރޭގައި ތަމަންނާ ބާޓިއާ، ކާޖަލް އަގަރްވާލް، ރަކުލް ޕްރީތު ސިންގ ފަދަ މަޝްހުރު ތަރިން ހިމެނެއެވެ. އަދި ހަމަ އެހެންމެ އިތުރު ޓަމިލް ސްޓާރެއް ބޮލީވުޑަށް ނުކުތުމަށް ދަނީ މަސައްކަތް ކުރަމުންނެވެެ. އެގޮތުން ސައުތު އިންޑިއާގެ ހާއްސަކޮށް ޓެމިލް ސިނަމާގެ މަޝްހޫރު ތަރި ނަޔަންތަރާ އަންނަނީ ބޮލީވުޑްގައި މަސައްކަތް ކުރުމަށް ތައްޔާރުވަމުނެވެ.
އޭނާ ބޮލީވުޑަށް ތަޢާރަފް ކުރަނީ ޑައިރެކްޓަރ އަތުލީ އެވެ. ޝާހްރުކް ޚާނާއެކު އޭނާ ފަށަންތައްޔަރުވަމުންދާ ފިލްމުގައި ނަޔަންތަރާ ފެނިގެންދާނެ ކަމަށް ރިޕޯޓުތައް ބުނެއެވެ. އަދި ޕްރޮޖެކްޓްގެ މަސައްކަތް މިއަހަރު ފަހުކޮޅު ފަށާނެ ކަމަށްވެސް ޚަބަރުތައް ބުނެއެވެ.
View this post on Instagram
ނަޔާންތަރާ މީގެ ކުރިން ވެސް ވަނީ ޑައިރެކްޓަރ އަތުލީ އާއި އެކު ދެ ފިލްމެއްގައި މަސައްކަތް ކޮށްފަ އެވެ. މައުލޫމާތު ލިބިފައިވާ ގޮތުގައި ނަޔަންތަރާ ވަނީ މިހާރު އަތުލީ ގެ 3 ވަނަ ފިލްމަށް ސޮއިކޮށްފަ އެވެ. މި ފިލްމަކީ ނަޔާންތަރާ ބޮލީވުޑަށް ތަޢާރަފްވާ ފިލްމެވެ. މީގެ އިތުރުން އަތުލީގެ ވެސް ފުރަތަމަ ބޮލީވުޑް ޑައިރެކްޝަނެވެ. ނަމަވެސް މި ފިލްމާއި ބެހޭގޮތުން ރަސްމީ ފަރާތަކުން އެއްވެސް އެއްޗެއް ހާމަކޮށްފައިއެއް ނުވެއެވެ.
ނަޔަންތަރާ އެންމެ ފަހުން ފެނިގެން ދިއައީ " މޫކްތީ އަންމަން" އެވެ.
