ދިރިއުޅުމުގައި ހެދޭ ގޯސްތަކާމެދު ކަންކުރާ ގޮތްތަކާ ބެހޭގޮތުން ބޮލީވުޑްގެ ސުޕަސްޓަރ ސަލްމާން ޚާން ވާހަކަދައްކައިފި އެވެ.
ސަލްމާން މި ވާހަކަތަށް ހިއްސާ ކޮށްފައިވަނީ ކަބީރް ބޭދީއާއެކު ބޭއްވި އިސްޓަގްރާމް ލައިވް ސެޝަނެއްގަ އެވެ. މި ލައިވްގައި ސަލްމާން ވަނީ އޭނާއަށް ގޯސްހެދުމުން މީހުންގެ ކިބައިން މާފަށް އެދޭގޮތް ކިޔައިދީފަ އެވެ.
ކަބީރް ބޭދީ ވަނީ އޭނާގެ އޮޓޯ ބައޮގްރަފީ ފޮތެއް ނެރެފައިއެވެ. މި ފޮތުގައ ނަމަކީ "ސްޓޯރީޒް އައި މަސްޓް ޓެލް"އެވެ. މި ފޮތުގައި ކަބީރް ސިންގ އޭނާގެ ދިރިއުޅުމުގައި ހެދިފައިވާ "މިސްޓޭކް" ތަކުގެ ވާހަކަ ދައްކާފައިވެ އެވެ.
މި މައުލޫއަށް ވާހަކަ ދައްކަމުން ސަލްމާން ވަނީ ކުށެއް ކުރެވިއްޖެ ނަމަ އެކަމަށް އިއުތިރާފްވެ މައާފަށް އެދުމަކީ ކުރަންޖެހޭނެ ކަމެއްކަމަށް ބުނެފަ އެވެ. އަދި މީގެ އިތުރުން އޭނާ ބުނެފައިވަނީ އޭނާއަށް ކުށެއް ކުރެވިއްޖެ ނަމަ އެމީހެއްގެ ކިބައި މާފަށް އެދޭ ކަމަށެވެ. އަދި ކޮންމެ މީހަކަށް ވެސް ކުށެއް ކުރެވިދާނެ ކަމަށް ގަބޫލު ކުރާ ކަމަށް ވެސް އޭނާ ބުނެފައި ވެއެވެ. އަދި މުހިންމު ކަމަކީ އެއްފަހަރުހެދޭ ގޯސް ދެވަނަފަހަރު ތަކުރާރު ނުކުރުން ކަމަށް ސަލްމާން ވަނީ ބުނެފައެވެ.
ނަމަވެސް އެމީހާގެ ކުށް އަމިއްލައަށް ގަބޫލުކޮށް އެކަމަށް މަޢާފަށް އެދުމަށް އެމީހެއްގެ ގައިގާ ވަރުގަދަ ހިތްވެއް ހުންނަންޖެހޭނެ ކަމަށް ސަލްމާން ވަނީ ބުނެފައެވެ.
View this post on Instagram
ކަބީރު ސިންގްގެ ފޮތުގައި އޭނާ ވަނީ އޭނާގެ ކައިވެނިތަކާއި ވަރީގެ ސަބަބުތަކުގެ އިތުރުން ހޮލީވުޑްގައި ކުރިމަތިވި މާލީ ބަނގުރޫޓު ވުމުގެ ވާހަކަތަކާއި، ދަރިފުޅު އަމިއްލައަށް މަރުވުމުން އުޅުނު ހާލުގެ ތަފްސީލް ކިޔައިދީފަ އެވެ.
ސަލްމާން ވަނީ މި ލައިވް ގައި ތެދުވެރިކަމާއި ގުޅޭގޮތުން ގިނަ ވާހަކަތަކެއް ދައްކާފަ އެވެ.
