ކަންނާޑާ ފިލްމުތަކުގެ މަޝްހޫރު ތަރި ޔާޝްގެ "ކޭޖީއެފް ޗެޕްޓާ 2″ގެ އިންތިޒާރުގައި ތިބި މީހުންގެ އިންތިޒާރު އަނެއްކާ ވެސް ދިގުވެއްޖެ އެވެ.
މި ފިލްމަކީ ގިނަ ބަޔަކު އިންތިޒާރު ކުރަމުންދާ ފިލްމެކެވެ. ޔާޝް ބުނެފައި ވަނީ ކުރީ ފިލްމަށް ވުރެ ހުރިހާ ގޮތަކުންވެސް މި ފިލްމު ބެލުންތެރިންނަށް ކަމުދާނެ ކަމަށް އުންމީދުކުރާ ކަމަށެވެ.
ފިލްމުގެ ޑައިރެކްޓަރު ޕްރަޝާންތު ނީލް މި ފިލްމު ސިފަކޮށްދެމުން ބުނެފައިވަނީ މިފަދަ އެހެން ފިލްމެއް މިހާތަނަށް ބެލުންތެރިނަށް ފެނިގެސް ގޮސްފައި ނުވާނެކަމަށެވެ.
ކޯވިޑްގެ ސަބަބުން ރިީޒްކުރުން ލަސްވަމުންދާ މި ފިލްމު މިހާރު ޝެޑިއުލްކޮށްފައި ވަނީ ސެޕްޓެމްބަރު މަހަށެވެ. ބައެއް ރިޕޯޓްތައް ބުނާގޮތުގައި ފިލްމު ސިނަމާތަކަށް އަންނާނީ ސެޕްޓެމްބަރު މަހު 9 ވަނަ ދުވަހު އެވެ.
#KGF2 to hit theatres on September 9th if there’s no 3rd wave. Post-theatrical digital rights in negotiation with Amazon Prime. pic.twitter.com/cJjro52Tdf
— LetsOTT GLOBAL (@LetsOTT) June 23, 2021
މި ބޮލޮކްބާސްޓާ، ފްރެންޗައިޒް އިން ބޮލީވުޑްގެ މަގުބޫލް ބައެއް މޫނުތަށް ވެސް ފެނިގެން ދާނެއެވެ. އޭގެ ތެރޭގައި ސަންޖޭ ދަތު، ރަވީނާ ޓަންޑަންގެ އިތުރުން ޕްރަކާޝް ރާޖް ފެނިގެން ދާނެއެވެ.
މި ފެންޗައިޒްގެ ފުރަތަމަ ފިލްމަށް ފަހު ގިނަ ބަޔަކު ދަނީ ދެވަނަ ފިލްމަށް ވަރަށް ބޮޑަށް އިންތިޒާރު ކުރަމުންނެވެ. ނަމަވެސް މި ފިލްމު ނެރުން ލަސްވަމުންދަނީ ކޯވިޑްގެ ސަބަބުންނެވެ. ދެ ފަހަރެއްގެ މަތިން މިހާރުވެސް ވަނީ މި ފިލްމް ރި ޝެޑިއުލް ކޮށްފަ އެވެ. މިހާރު ސެޕްޓެމްބަރު މަހަށް ތާވަލްކޮށްފައި ވާ ނަމަވެސް އެމަހުވެސް ފިލްމު އަޅޫވާނީ ކޯވިޑްގެ ހާލަތު ރަނގަޅުވެއްޖެ ނަމަ ކަމަށް ރިޕޯޓްތައް ބުނެއެވެ. ނަމަވެސް ރަސްމީކޮށް އެއްވެސް ފަރާތްތަކުން މިކަން އަދި ކަށަވަރު ކޯށްދީފައެއް ނުވެއެވެ.
