ރިތިކް ރޯޝަންގެ "ސުޕަ ހީރޯ" ފިލްމު "ކްރިޝް" ގެ ހަތަރު ވަނަބައި ނެރުމަށް ހަމަޖެހިފައިވާ ކަމަށް އޭނާ ބުނެފި އެވެ. ރިތިކް ވަނީ "ކްރިޝް" ސީރީޒް ގެ 3 ވަނަ ފިލްމަށް 15 އަހަރު ފުރުމުގެ މުނާސަބަތުގައި އިންސްޓަގްރާމުގައި މިކަން އިއުލާން ކޮށްފަ އެވެ.
"ކްރިޝް"ގެ މަންޒަރަކާއި އެކު ކޮށްފައިވާ ޕޯސްޓެއްގައި ރިތިކް ވަނީ މިކަން ކަށަވަރުކޮށްދީފަ އެވެ. ޕޯސްޓުގައި އޭނާ ބުނެފައި ވަނީ މާޒީ މިހާރު ނިމިފައިވާކަމަށާއި މުސްތަޤްބަލް ގެނެސްދެނީ ކޮން ކަމެއްތޯ ބަލަމާ ކަމަށެވެ.
View this post on Instagram
ކްރިޝް އަކީ ބޮލީވުޑްގެ ވަރަށް މަޝްހޫރު ފިލްމެކެވެ. މި ފިލްމް ސީރީޒް ތަކަށް ގެނެސް ދޭ އިރު މިއީ މި ފަދަ ސުޕަރ ހީރޯ ފިލްމެއް މިފަދަ ގޮތަކަށް ބޮލީވުޑްގައި ގެނެސްދޭ ފުރަތަމަ ފިލްމުވެސް މެއެވެ.
މީގެ ކުރިން ރިޕޯޓް ކޮށްފައިވާ ގޮތުގައި "ކްރިޝް 4″ ވަނީ 2020 ގެ ކްރިސްމަސް އަށް ތާވަލު ކޮށްފަ އެވެ. ނަމަވެސް ފިލްމުގެ ޑައިރެކްޓަރ އަދި ރިތިކްގެ ބައްޕަ ރާކޭޝް ރޯޝަން ވަނީ މި ފިލްމު ނެރުން ލަސްކޮށްލާފަ އެވެ. އޭނާ ބުނެފައިވާ ގޮތުގައި އަދިވެސް ސްކްރިޕްޓްގައި ރަނަގަޅު ކުރަންޖެހޭ ބައެއް ކަންކަން އެބަހުއްޓެވެ.
ފިލްމު ބެލުންތެރިންނާ ހަމައަށް އަންނާނެ ވަކި ދުވަހެއް ނޭނގުނު ނަމަވެސް މި ޕޯސްޓާއި އެކު، ފިލްމު ނެރުން ވަނީ ވަރަށްވެސް ގާތުގައި ކަމަށް ބެލެވެއެވެ.
