ތަމަންނާ ބާޓިއާއަކީ އޭނާގެ ހުނަރުން ގިނަ ބެލުންތެރިންގެ މަގުބޫލުކަން ހޯދާފައިވާ ފަންނާނެކެވެ. ހަމަ އެހެންމެ އޭނާ ބޮލީވުޑް ފިލްމުގެ އިތުރުން ތެލެގޫ އަދި ޓެމިލް ފިލްމުތައްވެސް ބެލުންތެރިންގެ މެދުގަައި ވަރަށް މަގްބޫލެވެ. ހަމަ އެހެންމެ އޭނާގެ ހަންގަނޑު ރީތީކަމުން ވެސް ވަރަށް ގިނަ ބެލުންތެރިންގެ ސަމާލުކަން އޭނާއަށް ވަނީ ލިބިފައެވެ.
އޭނާގެ ހަންގަނޑު އޮމާންކޮށް ރީތިކޮށް ބެހެއްޓުމަށް އޭނާ ބޭނުންކުރާ އުކުޅުތައް އޭނާވަނީ ބެލުންތެރިންނާ ހިއްސާކޮށްފަ އެވެ. އެގޮތުން އޭނާގެ ހަންގަނޑު އެގޮތަށް ހުންނަނީ ވަރަށް ބުރަ މަސައްކަތުން ކަމަށް ވެސް ވަނީ ބުނެފައެވެ.
އޭނާ ގަބޫލުކުރާ ގޮތުގައި މީހެއްގެ ހަންގަނޑު ރީތިކޮށް ބެހެއްޓުމަށްޓަކައި ކާ އެއްޗިއްސަށް ބެލުމަކީ ވަރަށް މުހިއްމު ކަމެކެވެ.
View this post on Instagram
ލޯ ކައިރި ކަޅުވާތީ އެކަމަށް އޮތް އެންމެ ބޮޑު ހައްލަކީ ނިދުން ކަމަށް ތަމަންނާ ވަނީ ބުނެފައެވެ. މި ފަދަ ކަންކަމަކީ ދާއިމީ ހައްލެއް ލިބޭ ކަހަލަ ކަންތައްތަކެއް ނޫނެވެ.
އިތުރަށް ވާހަކަ ދައްކަމުން، މޫނުގައި މިހާތަނަށް ހޭކި އެންމެ "ކަމުނުދާ" އެއްޗަކީ އޭނާގެ އަމިއްލަ ކުޅު ކަމަށް ތަމަންނާ ވަނީ ބުނެފައެވެ. ހެނދުނު ގަޑީގައި ހޭލާފައި މޫނުގައި ހުންނަ ބިހިތަކުގައި ކުޅު ހޭކުމުން ބިހިތައް މަދުވާ ކަމަށް ތަމަންނާ ބުނެއެވެ.
ނަމަވެސް މީ ފަކުރު ކަމެއް ކަމަށް ވެސް އޭނާ ވަނީ އެއްބަސް ވެފައެވެ. ނަމަވެސް ކުޅު ހޭކުމުގެ ސަބަބުން އޭނާގެ މޫނުގައި ހުންނަ ބިހިތަށް ފިލާ ކަމަށާއި ނަތީޖާ ރަނގަޅު ކަމަށް ތަމަންނާ ވަނީ ބުނެފައެވެ.
