ހަތަރު ފަހަރަށް ގްރޭންޑް ސްލޭމް މުބާރާތް ކާމިޔާބު ކޮށްފައިވާ ޓެނިސްގެ ދުނިޔޭގެ ރޭންކިން ދެވަނައިގައި އޮތް އަންހެން ކުޅުންތެރިޔާ ނަޔޯމީ އޮސާކާ ނުކުޅޭނެކަން ހާމަކޮށްފިއެވެ.
މީގެކުރިން އޮސާކާ ވަނީ ޑިޕްރެޝަން އާއި އެންޒައިޓީ އާއި ހެދިގެން އޭނާ ނަފްސާނީ ގޮތުން ފިޓު ނޫންކަން ހާމަކޮށްފައެވެ. އަދި ދުވަސްކޮޅަކަށް ޓެނިސް ކުޅުމުން ދުރަށްޖެހިލަން ބޭނުންވާކަމަށްވެސް އޮސާކާ ވަނީ ބުނެފައެވެ. ހުސްވި މެއި މަހު ކުރިއަށްދިޔަ ފްރެންޗް އޯޕަން މުބާރާތުންވެސް ވަކިވި އޮސާކާ ވިމްބަލްޑަން މުބާރާތުގައި ނުކުޅެން ނިންމީ އާއިލާ އާއި ރައްޓެހިންނާއި އެކު ވަގުތު ހޭދަކުރުމަށްޓަކައި ކަމަށް އޭނާ އާއި ހަވާލާދީ ބޭރުގެ މީޑިއާ އިން ރިޕޯޓްކުރެއެވެ.
ފްރެންޗް އޯޕަން މުބާރާތުގެ ފުރަތަމަ މެޗަށްފަހު ބޭއްވި ޕްރެސް ކޮންފަރެންސްގައި ބައިވެރި ނުވުމުގެ ސަބަބުން އޭނާ އަށްވަނީ 15000 ޑޮލަރުގެ ޖޫރިމަނާ އަކާއި ކުރިމަތިލާން ޖެހިފައެވެ. ޕްރެސްގައި ބައިވެރިނުވި ސަބަބެއް ކަމުގައި އޮސާކާ ބުނެފައިވަނީ މީޑިއާތަކުގެ ސަބަބުން އޭނާއަށް ނަފްސާނި ގިނަ މައްސަލަތަކަކާއި ކުރިމަތިލާން ޖެހޭކަމަށެވެ. އަދި މިހާރުވެސް ޑިޕްރެޝަން އާއި އެންޒައިޓީގެ ސަބަބުން އޭނާގެ ދިރިއުޅުމުގައި ބޮޑެތި ގޮންޖެހުން ތަކަކާއި ކުރިމަތިލާން ޖެހިފައިވާ ކަމަށްވެސް އޮސާކާ ވަނީ ބުނެފައެވެ.
ގްރޭންޑް ސްލޭމް ދެ މުބާރާތް ނުކުޅުމަށް ނިންމި ނަމަވެސް އޮސާކާ ވަނީ މީގެ ހަމަސްފަހުން ޓޯކިއޯގައި ބޭއްވުމަށް ތާވަލުކޮށްފައިވާ އޮލިމްޕިކްސް ގައި ބައިވެރިވާނެކަން ހާމަކޮށްފައެވެ.
ކޮމެންޓު ފޮނުވާ