ނަޕޯލީގެ ކޯޗުކަމުން ވަކިކުުރުމުން ފިއޮރެންޓީނާއާ ހަވާލުވި އިޓަލީގެ ކޯޗު ޖެނާރޯ ގަޓޫސޯ އަށް 25 ދުވަސްތެރޭ ދެ ވަޒީފާ ގެއްލިއްޖެއެވެ.
ގަޓޫސޯ، ރަސްމީކޮށް ފިއޮރެންޓީނާގެ މަސައްކަތްތައް ފަށަން އޮތީ އަންނަ މަހު އެއް ވަަނަ ދުވަހު އެވެ. އެކަމަކު އޭގެ ކުރިން ވަނީ ވަޒީފާ ގެއްލިފަ އެވެ. ފިއޮރެންޓީނާ އިން ގަޓޫސޯ އެ ޓީމުގެ ކޯޗަކަށް ގެނައީ މިދިޔަ މަހުގެ 25 ވަނަ ދުވަހުއެވެ. އޭގެ ދެ ދުވަސް ކުރިން ގަޓޫސޯ އަށް ވަނީ އޭނާ ކުރިން ހުރި ނަޕޯލީގެ ކޯޗުކަން ގެއްލިފައެވެ. ފިއޮރެންޓީނާގެ ކޯޗުކަން ގެއްލުމާ އެކު ދެ ޓީމުގެ ވަޒީފާ ގާތްގާތުގައި ގެއްލުނީއެވެ.
ގަޓޫސޯ ގެނައުމަށް ފަހު ފިއޮރެންޓީނާ އިން ގިނަ ޕްލޭންތަކެއް ހެދިއެވެ. އެކަމަކު މަގާމާ ހަވާލުވިތާ 23 ދުވަސްތެރޭ ގަޓޫސޯ އަށް އެ ޓީމުގެ ވަޒީފާ ގެއްލުނީ އޭނާ ވެސް އެ ގޮތަށް އެދޭތީ ކަމަށް އިޓަލީގެ މީޑިއާތަކުން ވަނީ ރިޕޯޓްކޮށްފައެވެ. ގަޓޫސޯ ހިތްހަމަ ނުޖެހުނީ އަންނަ މަހު ޕްރެކްޓިސް ފަށަންވާއިރަށް އޭނާ ހުށަހެޅި ޓްރާންސްފާ ލިސްޓުގައި ތިބި މެޖޯރިޓީ ކުޅުންތެރިން ނުގެންނަން ފިއޮރެންޓީނާ ބޯޑުން ނިންމުމުންނެވެ.
ނަޕޯލީން މިދިޔަ ސީޒަނުގެ ފަހު ދުވަހު ގަޓޫސޯ ވަކިކުރީ އިޓާލިއަން ލީގުގެ ގަދަ ހަތަރެއްގައި އެ ޓީމަށް ނުނިންމުމުންނެވެ.
ކޮމެންޓު ފޮނުވާ