ރާޢްޖެއިން އިތުރު 42މީހަކު ކޯވިޑް-19އަށް ޕޮޒިޓިވްވެއްޖެއެވެ.
އެޗްޕީއޭއިން އާންމުކޮށްފައިވާ ތަފާސް ހިސާބަށް ބަލާއިރު އިއްޔެ އިރުއޮއްސި 6:00 އިން މިއަދު އިރުއޮއްސި 6:00 އަށް ރާއްޖެއިން ކޯވިޑް-19އަށް ޕޮޒިޓިވް ވެފައިވަނީ 42 މީހެކެވެ.
ކޯވިޑް-19އަށް ޕޮޒިޓިވް ވެފައިވާ 42 މީހުންގެ ތެރޭގައި ހިމެނެނީ 27 ދިވެހިންނާއި، 15 ބިދޭސީންނެވެ. މީގެތެރެއިން 37 މީހުން ޕޮޒިޓިވްވެފައިވަނީ މާލެ ސަރަހައްދުންނެވެ. ރިސޯޓްތަކުން ޕޮޒިޓިވް ވެފައިވަނީ 5 މީހުންނެވެ.
ރާއްޖެއިން މިހާތަނަށް 11،358 މީހުންނަށް ކޯވިޑް-19 އަށް ޕޮޒިޓިވް ވެފައިވާއިރު، އޭގެ ތެރެއިން 7،270 މީހުންނަކީ ދިވެހިންނެވެ. ބިދޭސީންގެ އަދަދަކީ 4088 އެވެ.
✳️ COVID-19 Case Updates
As of 22.10.2020, 06:00 PM
Confirmed an additional 42 cases of COVID-19 infections in Maldives
– 27 Locals
– 15 ForeignersTotal number of cases: 11,358 pic.twitter.com/fJtNB8BV7i
— Health Protection Agency (@HPA_MV) October 22, 2020
ރާއްޖެއިން ކޯވިޑް-19 ޖެހުނު މީހުންގެ ތެރެއިން މިއަދު އިތުރު 99 މީހަކު ވަނީ މި ބަލިން ރަނގަޅުވެފައެވެ. މިއާއެކު ރާއްޖެއިން މި ބަލި ޖެހުނު މީހުންގެ ތެރެއިން ރަނގަޅުވި މީހުންގެ އަދަދު ވަނީ 10،383 އަށް އަރާފައެވެ.
ރާއްޖެއިން ކޯވިޑް-19 ޖެހިފައިވާ މީހަކު ފުރަތަމަ ފެނިފައިވަނީ މާޗް މަހުގެ 7 ވަނަ ދުވަހުއެވެ. އޭގެ ފަހުން މިއަދަށް 226 ދުވަސް ވެފައިވާއިރު، ރާއްޖެއިން މި ބަލީގައި މިހާތަނަށް 37 މީހަކު ވަނީ ނިޔާވެފައެވެ. ރާއްޖެއިން މިހާތަނަށް މި ބަލީގައި ނިޔާވެފައިވަނީ 30 ދިވެހިންނާއި 7 ބިދޭސީންނެވެ.
ކޮމެންޓު ފޮނުވާ