ހެޔޮ ބަދަލަކަށް އެދި އެތައް ބައެއްގެ އެތައް ޤުރުބާނީއަކުން ގެނައި ސަރުކާރު ދާގޮތް ފެނުމުން ހިތައް ކުރަނީ އަމަށަކު އަސަރެއްނޫންކަމަށް ވިދާޅުވެ، ކުރީގެ ބަންޑާރަ ނާއިބު ދިޔާނާ ސަޢީދު ސަރުކާރަށް ފާޑުވިދާޅުވެއްޖެއެވެ.
ދިޔާނާ ސަރުކާރަށް ފާޑުވިދާޅުވެފައިވަނީ، ޔޫތު މިނިސްޓަރ އަޙްމަދު މަޚުލޫފުގެ މައްޗަށް އެމްއެމްޕީއާރުސީގެ މައްސަލައިގައި ދައުވާކުރުމަށް ހުށަހެޅުމާއި ގުޅިގެން، އެމައްސަލައިގައި ގޮތެއް ނިންމެވުމާއި ހަމައަށް އޭނާ ސަސްޕެންޑްކުރުމަށް ރައީސުލްޖުމްހޫރިއްޔާ ނިންމެވުމުންނެވެ. އެމްއެމްޕީއާރުސީގެ މައްސަލާގައި މީގެ ކުރިންވެސް މަޚްލޫފް މަސައްކަތްތަކުން އެކަހެރިކޮށްފައިވާއިރު، މިއީ މި މައްސަލާގައި މަޚްލޫފް އެކަހެރިކުރި ދެވަނަ ފަހަރެވެ.
ސަރުކާރަށް ފާޑުވިދާޅުވެ ސިޔާނާ ސަޢީދު ކުރެއްވި ޓްވީޓެއްގައި ވިދާޅުވީ، މިއީ ކޮން މަދަރުސާއެއްގެ އިދާރާއެއްބާއޭ ހިތަށް އަރާކަމަށެވެ. ހެޔޮ ބަދަލަކަށް އެދި އެތައް ބައެއްގެ އެތައް ޤުރުބާނީއަކުން ގެނައި ސަރުކާރު ދާގޮތް ފެނުމުން ހިތައް ކުރަނީ އަމަށަކު އަސަރެއްނޫންކަމަށްވެސް ދިޔާނާ ވިދާޅުވިއެވެ.
ސަސްޕެންޑްކޮށްފި، ސަސްޕެންޝަން އުވާލައިފި، ސަސްޕެންޑްކޮށްފި، ސަސްޕެންޝަން އުވާލައިފި…. މީ ކޮން މަދަރުސާއެއްގެ އިދާރާއެއް ބާއޭވެސް ހިތަށް އަރަން ފަށައިފި. ހެޔޮ ބަދަލަކަށް އެދި އެތައް ބައެއްގެ އެތައް ޤުރުބާނީއަކުން ގެނައި ސަރުކާރު މިދާގޮތް ފެނުނީމަ ހިތައް ކުރަނީ އަމަށަކު އަސަރެއްނޫން.
– ދިޔާނާ ސަޢީދު
Suspend kohfi, suspension uvaalaifi, suspend kohfi, suspension uvaalaifi …. Mee kon madharusaa ehge idhaaraaeh baaeyves hithah aran fashaifi.
Heyo badhalakah edhi ethah bayehge ethah gurubaanee akun genai sarukaaru midhaa goiy fenuneemaa hithah kuraneekee amashaku asareh noon. pic.twitter.com/Z8XFcuFI2M
— Dhiyana ??? (@dhiyanasaid) June 10, 2021
އެތައް ބައެއްގެ ތާޢީދާއެކު އަދި ހެޔޮ ބަދަލަކަށް ގެނައި ސަރުކާރުގެ ސިޔާސަތަށް، ސަރުކާރު ގެނައުމަށް މަސައްކަތްކުރި ބައެއް ފަރާތްތަކުން ގެންދަނީ ފާޑުކިޔަމުންނެވެ. ޚާއްޞަކޮށް ސަރުކާރަށް ދެއަހަރާއި ބައި ވެގެންދިޔައިރުވެސް ސަރުކާރަށް ރައްޔިތުންގެ ފައިދާއަށާއި، ޤައުމުގެ ތަރައްޤީއަށް މަސައްކަތްކުރެވިފައިނުވާކަމަށް ފާޑުކިޔާ ފަރާތްތަކުން ބުނެއެވެ.
ކޮމެންޓު ފޮނުވާ