އެކްޓަރ މޯހިތު ރައިނާ އަކީ އޭނާގެ ޝޯ "ދޭވޯކާން ދޭވް މަހަދޭވް" ގައި އޭނާ ފެނިގެންދިޔަ ރޯލުން މަޝްހޫރުވެފައިވާ ފަންނާނެކެވެ. އޭނާވަނީ "މޯހިތު ބަޗާއޯ" ނުވަތަ "މޯހިތު ސަލާމަތްކުރޭ" ކެމްޕެއިން ފަށާފައިވާ މީހުންނާއި ޚިލާފަށް ޝަކުވާ ހުށަހަޅާފައެވެ.
ޖޫން 6 ގައި ހުޝަހަޅާފައިވާ މިޝަކުވާއަކީ މޯހިތަށް ހެޔޮއެދޭކަމަށް އަމިއްލައަށް ބުނާ ސާރާ ޝަރްމާ އަދި އޭނާގެ ރައްޓެހިން ކަމަށްވާ ޕަރްވީން ޝަރްމާ، އާޝިވް ޝަރްމާ އަދި މިތިލޭޝް ތިވާރީއާއި ޚިލާފަށް އައިޕީސީގެ ސެކްޝަން 384ގެ ދަށުން ހުށަހަޅާފައިވާ ޝަކުވާއެކެވެ.
ރިޕޯޓު ލިބިފައިވާ ގޮތުގައި، މި ފަރާތްތަކުން ވަނީ މޯހިތުގެ ފުރާނައަށް ސުޝާންތު ސިންގ ރާޖްޕުތު ފަދައިން ނުރައްކާއޮތްކަމަށް ބުނެ ކެމްޕޭނެއް ފަށާފައެވެ. އެގޮތުން މި ހަތަރު މީހުންގެ މައްޗަށް މޯހިތު ވަނީ ދޮގު މައުލޫމާތު ފެތުރުމާއި އިންޒާރު ދީގެން ފައިސާ ހޯދުމަށް އުޅުމުގެ ތުހުމަތު ކުރެވިފައެވެ.
ސާރާ ޝަރްމާއަކީ ފިލްމީ ފަންނާނެކެވެ. އަދި އޭނާ ވަނީ މޯހިތުގެ ފުރާނައަށް ނުރައްކަ އެބަައޮތް ކަމަށާއި މޯހިތު އަމިއްލައަށް މަރުވާން މަސައްކަތް ކޮށްފާނެ ކަމަށްުބުނެ ކެމްޕޭންއެއް ފަށާފައެވެ. މިކަމާއި ބެހޭގޮތުން މޯހިތުގެ އާއިލާއިން ބުނެފައިވަނީ މިފަދަ އެއްވެސް ބިރުވެރިކަމެއް ނެތް ކަމަށާއި އަދި މޯހިތު ހުރީ ސއްހަތު ސަލާމަތުން ކަމަށެވެ. މޯހިތު ވަނީ ހަމަ މިގޮތަށް ބޮމްބޭ ހައި ކޯޓުގައިވެސް ބުނެފައެވެ.
