ގަތަރު އޭޝިއަން ކަޕަށް، އިންޑިޔާ ގުރޫޕްގެ ތިންވަނައަށް

ފީފާ ވޯލްޑް ކަޕް އަަދި އޭއެފްސީ އޭޝިއަން ކަޕް ޖޮއިންޓް ކޮލިފައިންގައި ގަތަރުގައި ކުރިއަށްދާ ގްރޫޕް އީގެ މެޗުތަކުގެ ތެރެއިން އިންޑިއާ އިން ބަންގްލަދޭޝް މައްޗަށް ކުރިހޯދާ ގުރޫޕްގެ ތިންވަނައަށް ކުރިޔަށް ޖެހިލައިފިއެވެ.

އިންޑިޔާ ބަންގްލަދޭޝް ވާދަކުރި މެޗު އިންޑިޔާއިން ކާމިޔާބުކުރީ 2-0 ލަނޑުންނެވެ.

މިމެޗުގައި އިންޑިޔާއިން ކާމިޔާބުކުރި ދެ ލަނޑުވެސް މެޗުގެ ދެވަަނަ ހާފްގައި ކާމިޔާބުކޮށްދިނީ ސުނިލް ޗެތްރީ އެވެ. މިއީ އެންމެ ފަހުން ކުޅުނު ރަސްމީ ވާދަވެރި 11 މެޗުގެ ތެރެއިން އިންޑިއާ މޮޅުވި ފުރަތަމަ ފަހަރެވެ. މި މޮޅާއެކު ގުރޫޕްގެ ތިންވަނައަށް އިންޑިޔާ ޖެހިލީ ހަތަރު ވަނައިގައި އޮތް އަފްގާނިސްތާނަށް ވުރެން އެއް ޕޮއިންޓް އިތުރަށް ހޯދައިގެންނެވެ. އިންޑިޔާ ތިންވަނައިގަ އޮތީ 6 ޕޮއިންޓާއެކު އެވެ. އަފްގާނިސްތާން 4 ވަނައިގަ އޮތީ 5 ޕޮއިންޓާއެކު އެވެ. ބަންގްލަދޭޝްއަށް 7 މެޗުން ލިބުނު 2 ޕޮއިންޓާއެކު އޮތީ ގުރޫޕް ފުލުގައި އެވެ.

މި ގްރޫޕްގައި ރޭ އޮމާންގެ މައްޗަށް 1-0 އިން ކުރިހޯދައި ގަތަރު ވަނީ ގްރޫޕްގެ އެއް ވަނައިގެ ގޮތުގައި އޭޝިއަން ކަޕުން ފުރުސަތު ހޯދައިފަ އެވެ. ގަތަރު އެއްވަނާގައި އޮތީ ކުޅުނު 8 މެޗުން ހޯދި 22 ޕޮއިންޓާއެކުވެ. ދެވަނާގަ އޮތް އޮމާން ލިބެނީ ކުޅުނު 6 މެޗުން 12 ޕޮއިންޓެވެ.