އެމީހަކާއި އެއް ވައްތަރު ގެ އިތުރު 7 މީހަކު އުޅޭކަމަށް ބުނެއުޅެއެވެ. މީގެ ކުރިންވެސް ވަނީ ފިލްމީ ތަރިންނާ ވައްތަރު މީހުން ފެނިފަ އެވެ. ނަމަވެސް މިހާރު ސޯޝަލް މީޑިއާގައި ވައިރަލް ވެގެން އުޅޭ ޝާހްރުކް ޚާނާއި ވައްތަރު މީހާ އަކީ ގިނަ ބަޔަކަށް އޮޅުން އަރާވަރަށް ވައްތަރު މީހެކެވެ.
އިބްރާހިމް ގާދިރު ނަމަކަށް ކިޔާ މި މީހާ ދަނީ އިންސްޓަގްރާމުގައި އޭނާގެ ޖާދޫ ދައްކަމުންނެވެ. ޝާހުރުކާއި ވައްތަރު މިމިހާ ވަނީ ޝާހު އަޅާ ގޮތަށް ހެދުން އަޅައި އެ ޕޯސްތަކަށް ހުއްޓި ހުރި ފޮޓޯތަށް ޝެއާކޮށްފަ އެވެ. އަދި ހަމަ އެހެންމެ އޭނާގެ ފޮލޯވާރުން ދަނީ ދުވަހެއް ދުވަހަކަށް އިތުރު ވަމުންނެވެ.
އިބްރާހިމް ވަނީ ޝާހްރުކް ގެ ބައެއް ލަވަތަކަށް އެކްޓްވެސް ކޮށްފަ އެވެ. މީގެ ކުރިން ވެސް ތަރިންނާ އެއްވައްތަރު މީހުންފެނި އެމީހުން ވަނީ ވަރަށް ބޮޑަށް މަޝްހުރު ވެގެން ގޮސްފަ އެވެ. އެގޮތުން ސުޝާންތު ސިންގް ރާޖްޕުތާއި ވައްތަރު މީހަކު ފެނި އެމީހާ ލައްވާ ފިލްމެއް ކުޅުވަށް އުޅުން ކަމުގެ އަޑުތަކެއް ވެސް މި ދޭތެރެއަކުން އެރިއެވެ.
އިބްރާހިމް ގާދިރުގެ އިންސްޓަގްރާމް ފޮލޯވަރުންގެ އަދަދު މިހާރު 60 ހާހަށްވުރެ މަތީގައި ހުރި އިރު އޭނާ އިންސްޓަގްރާމުން ފޮލޯކުރަމުން ގެންދަނީ ޝާހްކުރްގެ އޮފިޝަލް އެކައުންޓް އެކަންޏެވެ.
ފިލްމީ މަސައްކަތަށް ބަލާއިރު ޝާހްރުކް ދެން އެންމެ އަވަހަށް ބެލުންތެރިންނަށް ފެންނާނީ ފިލްމު "ޕަތަން" އިން ދީޕިކާ ޕަޑްކޯން އަދި ޖޯން އަބްރަހަމާ އެކުގައެވެ.
ކޮމެންޓު ފޮނުވާ