ޑެލިވަރީގެ ހިދުމަތްތައް އިތުރަށް ހަރުދަނާކޮށް، ރެޑްވޭވްގެ ޑެލިވަރީތައް ފަށައިފި

ފުރަބަންދުގައި މާލެ އާއި ހުޅުމާލޭގެ ކަސްޓަމަރުންނަށް ވިޔަފާރިކުރުމުގައި، ހާއްސަކޮށް ކާބޯތަކެތި ގަތުމުގައި ދިމާވެފައިވާ ދަތިތައް ލުއިކޮށްދިނުމުގެ ގޮތުން ރެޑްވޭވްގެ ޑެލިވަރީތައް އިތުރަށް ހަރުދަނާކޮށް އެ ހިދުމަތް މިއަދު ފަށައިފި އެވެ.

މިގޮތުން ރެޑްވޭވްގެ ކަސްޓަމަރުން ކުރާ ކޮންމެ ވިޔަފާރިއެއްވެސް މާލެ އާއި ހުޅުމާލޭގެ ކޮންމެ ގޭބިސީއަކަށްވެސް ޑެލިވަރީ ކުރެވޭނެ ފަސޭހަގޮތްތަކެއް އެ ކުންފުނިން ވަނީ ފަހިކޮށްދީފަ އެވެ.

މާލޭގެ އޯޑަރުތައް ރެޑްވޭވްގެ އޯޑަރުލިންކް  https://redwave.mv/quick-order އަށް ލިސްޓުފޮނުވައިގެން ކުރިއަށްގެންދެވޭނެ ކަމަށް އެކުންފުނިން ބުނެއެވެ. ނުވަތަ ވައިބަރ މެދުވެރިކޮށް ރެޑްވޭވް ޕްލާޒާގެ (މައްޗަންގޯޅި) ނަމްބަރު 9116613، ރެޑްވޭވް ޒޯންގެ (މާފަންނު) ނަމްބަރު 9193302، ނުވަތަ ރެޑްވޭވް މާރޓްގެ (ހެންވޭރު) ނަމްބަރު 9694499 އަށް ލިސްޓުފޮނުވައިގެންވެސް އޯޑަރުކުރެވޭނެކަމަށް އެކުންފުނިން ބުނެއެވެ.

މީގެއިތުރުން ހުޅުމާލޭގެ އޯޑަރުތައް ވައިބަރ މެދުވެރިކޮށް، ރެޑްވޭވް މެގަމޯލްގެ ނަމްބަރު 9193399 ނުވަތަ ރެޑްވޭވް ސިޓީސްކެއަރގެ ނަމްބަރު 9636019 އިން ނެގުމަށްވަނީ ހަމަޖެހިފައި ވާކަމަށްވެސް ރެޑްވޭވުން ބުނެއެވެ.

މިގޮތަށް އޯޑަރކުރުމަށް ލިސްޓުފޮނުވާނެ ފޯމެޓަކީ:

މީގެ އިތުރުންވެސް ރެޑްވޭވްގެ ވެބްސައިޓު މެދުވެރިކޮށް އޮންލައިންކޮށްވެސް އޯޑަރ ކުރެވޭނެ އެވެ. އަދި މިހުރިހާ އޯޑަރުތައް ދޯނިފަހަރާއި ހަމައަށްވެސް ޑެލިވަރކޮށްދޭނެކަމަށް ރެޑްވޭވުން ބުނެއެވެ.

ރެޑްވޭވުން ބުނީ އެކުންފުނީގެ އަމާޒަކީ ކުންފުނީގެ ކޮންމެ ފިހާރައަކުންވެސް 24 ގަޑިއިރުގެ ތެރޭ 100 އޯޑަރޑެލިވަރ ކޮށްދީ، 16:00ގެ ކުރިން އަންނަ ކޮންމެ އޯޑަރެއް ދުވަހުންދުވަހަށް ޑެލިވަރކޮށްދިނުން ކަމަށެވެ. މިގޮތުން ހެނދުނު 08:00އިން ރޭގަނޑު 23:00އަށް ޑެލިވަރީގެ ހިދުމަތްކުރިއަށް ދާނެއެވެ.

ކޮވިޑްގެ މިހާލަތުގައި ރެޑްވޭވްގެ ހުރިހާ ކަސްޓަމަރުން ފަރުދީ ޒިންމާ އަދާކޮށް، ގޭގައި ތިބެގެން ރެޑްވޭވްގެ ޑެލިވަރީގެ ހިދުމަތް ބޭނުންކުރުމަށް އެކުންފުނިން އިލްތިމާސްކުރެއެވެ.