ލޯކަލް ކައުންސިލްތަކުގެ އިންތިޚާބާއި އަންހެނުންގެ ތަރައްޤީއަށް މަސައްކަތްކުރާ ކޮމިޓީތަކުގެ އިންތިޚާބުގައި ހަރަކާތްތެރިވި އޮފިޝަލުންނަށް، މި ހަފްތާގެ ނިޔަލަށް އެލަވެންސްދީ ނިންމާލެވޭނެކަމަށް އިލެކްޝަންސް ކޮމިޝަންގެ ރައީސް އަޙްމަދު ޝަރީފް ވިދާޅުވެއްޖެއެވެ.
އިންތިޚާބުގައި ހަރަކާތްތެރިވި އޮފިޝަލުންގެ އެލަވެންސް ލަސްވާތީ އެކަމާއި ގުޅޭގޮތުން މީހަކު ކުރި ޓްވީޓެއްގެ ޖަވާބުގައި ޝަރީފް ވިދާޅުވީ، މިދިޔަ ބުދަ ދުވަހު 2300އަށް ވުރެ ގިނަ އޮފިޝަލުންނަށް އެލަވެންސް ޖަމާކޮށްދީފައިވާކަމަށެވެ. އަދި މި ހަފްތާގެ ތެރޭގައި ބާކީ ތިބި އޮފިޝަލުންގެ އެލަވެންސް ޖަމާކުރަން ފޮނުވޭނެކަމަށް ޝަރީފް ވިދާޅުވިއެވެ.
Midhiya Wednesday ga vanee 2300 ah vure gina officials ah allowance account ah jamma kohdhevifa, mi hafthaa thereyga baker officials ge allowance jamaa kuran fonuveyne, in shaa Allah https://t.co/31wT7PGda6
— Ahmed Shareef (@ShareefRangondi) May 15, 2021
ނިމިދިޔަ އިންތިޚާބަކީ ރާއްޖޭގައި މިހާތަނަށް އިންތިޚާބެއްގައި އެންމެ ގިނަ އޮފިޝަލުން ހަރަކާތްތެރިވި އިންތިޚާބެވެ. އެގޮތުން 8 ހާހާއި ގާތްކުރާ ޢަދަދަކަށް އޮފިޝަލުން ހަރަކާތްތެރިވެފައިވެއެވެ.
ލޯކަލް ކައުންސިލްތަކުގެ އިންތިޚާބާއި އަންހެނުންގެ ތަރައްޤީއަށް މަސައްކަތްކުރާ ކޮމިޓީތަކުގެ އިންތިޚާބު ބާއްވާފައިވަނީ މިދިޔަ އޭޕްރީލް މަހުގެ 10 ވަނަ ދުވަހުއެވެ. އަދި އިންތިޚާބުގައި އިންތިޚާބި ބޭފުޅުން ހުވާކުރުން މާދަމާ ބޭއްވުމަށް ލޯކަލް ގަވަރުމަންޓް އޮތޯރިޓީން ވަނީ ނިންމާފައެވެ.
ކޮމެންޓު ފޮނުވާ