6 މޭގަ ފެނިގެންދިޔަ ފަދަ ޓެރަރިސްޓް ހަމަލާތަކާ ދެކޮޅަށް މަސައްކަތް ކުރުމުގައި އިނގިރޭސިވިލާތް އޮންނާނީ ދިވެހި ރާއްޖެއާއެކީކަމަށް، އިނގިރޭސިވިލާތުން ރައްޖެއަށް ކަނޑައަޅާފައި ހުންނަވާ ހައި ކޮމިޝަނަރ ކެރަން ރޯޒްލީ ވިދާޅުވެއްޖެއެވެ.
އެކަމަކާ މިހެން ވިދާޅުވީ، މަޖިލިސް ރައީސް މުހައްމަދު ނަޝީދަށް އަމާޒުކޮށް މި މަހުގެ 6 ވަނަ ދުވަހު ދެވުނު ޓެރަރިސްޓް ހަމަލާގެ މިހާރު ކުރިޔަށްދާ ތަހުގީގަށް އިނގިރޭސިވިލާތުން އެހީތެރިކަން ފޯރުކޮށްދެމުންދާ ހާމަކޮށް ކުރެއްވި ޓުވީޓެއްގައެވެ.
UK stands with Maldives against acts of violence & terror such as that witnessed on 6 May.
We will work more intensively with relevant authorities to end impunity & bring perpetrators to justice.
Partnership & inter-agency collaboration are key. ????? https://t.co/txPJhamAF0
— Caron Rohsler (@caron_rohsler) May 8, 2021
ކެރަމް ރޯޒްލާ ވިދާޅުވި ގޮތުގައި މި ޓެރަރިސްޓް ހަމަލާގެ ފަހަތުގައި ތިބި ބަޔަކު ހޯދުމަށް ކުރަންޖެހޭ އެންމެ މުހިންމު މަސައްކަތަކީ އެކި މުވައްސަސާތަކުން ގުޅިގެން ކުރަންޖެހޭ މަސައްކަތްތަށް މިހާރަށްވުރެވެސް ވަރުގަދައަށް ކުރަމުން ދިއުމެވެ.
ރާއްޖޭގެ ހުންނަ ބްރިޓިޝް ހައިކޮމިޝަނުން މިއަދު ކޮށްފައިވާ ޓުވީޓެއްގައި ބުނެފައިވަނީ، ނަޝީދަށް އަމާޒުކޮށް ދެވުނު ޓެރަރިސްޓު ހަމަލާގެ ތަހުގީގަށް އެހީތެރިން ފޯރުކޮށް ދިނުނަކީ އިގިރޭސި ސަރުކާރުން ވަރަށް އިސްކަމެއްދީގެން ފޯރުކޮށްދޭ އެހީތެރިކަމެއް ކަމަށާއި އަދި މިހާތަނަށްވެސް ތަހުގީގަށް ބޭނުންވާ ޓެކްނިކަލް އެހީތެރިކަން ފޯރުކޮށްދެމުން އައިސްފައިވާ ކަމަށެވެ.
ބްރިޓިށް ހައިކޮމިޝަކުން ބުނެފައިވަނީ، ތަހުގީތަށް އެހީތެރި ވެދިނުމަށްޓަކާ ރާއްޖެ ވަޑައިގަންނަވަން ހަމަޖެހިފައިވާ ތަހުގީގުތަކާބެހޭ ޚާއްސަ ތަޖުރިބާކާރު މާދަމާ ރާއްޖެ ވަޑައިގަންނަވާނެ ކަމަށެވެ.
މި އަދު ހަވީރު ބޭއްވުނު ނޫސްވެރިންގެ ބައްދަލުވުމުގައި ފުލުހުން ވަނީ މިހަމަލާ ދިނުމުގައި ޝާމިލުވި މީހުންގެ މައުލުމާތު އާންމުކޮށްފައެވެ.
މިނޫސްވެރިންގެ ބައްދަލުވުމުގައި ފުލުހުން ވަނަވަރު ޢާއްމުކޮށްފައިވާ ދެމީހުންނަކީ މއ.ފޭރުގެ ޢުމުރުން 21 އަހަރުގެ މުޖާޒް އަޙްމަދާއި ގއ.ކޮނޑޭ ފޫޅުމާގޭ ޢުމުރުން 32 އަހަރުގެ ތަހްމީނު އަޙްމަދެވެ. ފުލުހުން ބުނެފައިވަނީ މިދެމީހުން މިހާރު ވަނީ ފުލުހުންގެ ތަހުގީގަށް ހައްޔަރު ކުރެވި މައްސަލަ ތަހުގީގް ކުރަމުންނެވެ.
މިމައްސަލާގައި ޑީސީޕީ ރިޔާޒު ވިދާޅުވީ މިމައްސަލައި މިހާތަނަށް ލިބިފައިވާ މައުލޫމާތަށް ބަލާއިރު މިކަމުގައި އިތުރު މީހުން ޝާމިލުވުމަކީ އެކަށީގެންވާކަމަށެވެ.
