އަނުޝްކާ ޝަރްމާ އާއި ވިރާޓް ކޯލީ އިސްނަގައިގެން ފަންޑްރެއިޒިން ހަރަކާތެއް ފަށައިފި އެވެ.
މިއީ ކޮވީޑް 19ގެ ބަލިމަޑުކަމުން އަރައިގަތުމަށް ކުރިއަށްގެންދާ ރިލީފް މަސައްކަތަށް އެހީތެރިވުމުގެ ގޮތުން ފަށާފައިވާ ހަރަކާތެކެވެ. މި ދެމަފިރިން އިއްޔެ ވަނީ ސޯޝަލް މީޑިއާ މެދުވެރިކޮށް މިކަން އިއުލާން ކޮށްފައެވެ. އަދި މިކަމާ ގުޅޭގޮތުން ދެމަފިރިން ވަނީ ވީޑިއޯއެއްވެސް ހިއްސާކޮށްފަ އެވެ.
އެގޮތުން އަނުޝްކާ ބުނެފައިވަނީ ގައުމު ކޮވިޑްގެ ދެވަނަ ރާޅާއި ހަނގުރާމަ ކުރަމުން ދާއިރު ހެލްތު ކެއަރ ސިސްޓަމްއަށް ވަރަށް ބޮޑެތި ގޮންޖެހުންތަކާއި ކުރިމަތިލާން ޖެހިފައި ވާކަމަށެވެ. އަދި މި މަންޒަރު ފެނުމުން ވަރަށް ހިތްދަތި ވާކަމަށްވެސް އަނުޝްކާ ވަނީ ބުނެފައެވެ. އެހެންކަމުން އޭނާ އާއި ވިރާޓް އިސްވެ ފަށާފައިވާ މި ކެމްޕޭނުން ލިބޭ ފައިސާ ކޯވިޑާދެކޮޅަށް ކުރެވޭ މަސައްކަތްތަކަށް ހޭދަކުރާނެކަމަށްވެސް އަނުޝްކާ ވަނީ ބުނެފައެވެ.
"އިން ދިސް ޓުގެދާ"ގެ ނަމުގައި ފަށާފައިވާ މިހަރަކާތުން 70 މިލިއަން އިންޑިއާ ރުޕީސް އެއްކުރުމަށް އެދެމަފިރިން ވަނީ ޓާގެޓްކޮށްފަ އެވެ
View this post on Instagram
އަނުޝްކާ އޭނާގެ އުފަންދުވަސް ވެސް މިއަހަރު ފާހަގަ އެއް ނުކުރެއެވެ. އޭނާ ބުނެފައިވަނީ މި ހާލަތުގައި އުފަންދުވަސް ފާހަގަ ކުރުން މުހިއްމެއް ނޫންކަމަށެވެ. މި ވީޑިއޯ ވިރާޓްވެސް ވަނީ ހިއްސާކޮށްފަ އެވެ.
