ކަންގަނާ ރަނާވަތުގެ ޓްވިޓާ އެކައުންޓް ދާއިމީކޮށް ސަސްޕެންޑުކޮށްފި އެވެ.
ކަންގަނާގެ އެކައުންޓު ބްލޮކް ކޮށްފައިވަނީ ޓްވިޓާގެ އުސޫލްތަކާއި ހިލާފުވެ ހަމަނުޖެހުމާއި ފިތުނަފަސާދައަށް ހިތްވަރުލިބޭފަދަ "ހޭޓްފުލް" ޕޯސްޓްތައް މާގިނައިން ހިއްސާ ކުރާތީކަމަށް ޓްވިޓާގެ ސްޕޯކްސް ޕާސަން ވަނީ ބުނެފައެވެ. އެގޮތުން މި ފިޔަވަޅު އަޅާފައި މިވަނީ އިންޑިއާގައި މިހާރު ކުރިޔަށްދާ އެގައުމުގެ ސަރަހައްދީ އިންތިޚާބާ ގުޅުވައިގެން ކަންގަނާ ކޮށްފައިވާ ޓްވީޓް ތަކެއްގެ ސަބަބުންނެވެ.
މީގެ ކުރިން 2020 ވަނަ އަހަރު ވެސް ކަންގަނާގެ ޓްވިޓާ އެކައުންޓުވަނީ ވަގުތީ ގޮތުން ސަސްޕަންޑު ކޮށްފަ އެވެ. ޓްވިޓާގެ ސްޕޯކްސް ޕާސަން ބުނެފައިވަނީ މިއީ ވަކި މީހަކަށް ބަލާފައި ކޮށްފައިވާ ކަމެއް ނޫން ކަމަށެވެ. އަދި މިއީ ޓްވިޓާގެ ގަވާއިދާއި ޚިލާފުވުމުން އަޅާފައިވާ ފިޔަވަޅެއް ކަމަށެވެ.
Kangna account suspended bcz of this tweet in which she called for genocide on tweeter pic.twitter.com/nKsDVhsHJO
— Facts check (@Facts_chek) May 4, 2021
މިކަމާއި ގުޅިގެން ކަންގަނާ ވަނީ ރައްދު ދީފައެވެ. އެގޮތުން އެނާ ބުނެފައި ވަނީ ޓްވިޓާގެ މި އަމަލަކީ ޚިޔާލުފާޅުކުރުމުގެ މިނިވަންކަމަށް އެޅި ހުރަހެއް ކަމަށާއި ޑިމޮކްރަސީވެސް މަރާލުން ކަމަށެވެ. އަދި އޭނާގެ ސޯޝަލް މީޑިއާ އެކައުންޓްތަކާއި އަދި އޭނާގެ ނަންވެސް ގައުމަށްޓަކާ ކޮންމެ ވަގުތަކުގައި ވެސް ޝަހީދު ކުރުމަށްވެސް ތައްޔާރަށް ހުރިކަމަށް ކަންގަނާ ވަނީ ބުނެފައެވެ.
ކަންގަނާއަކީ އާންމުގޮތެއްގައި ސޯޝަލް މީޑިއާ އާއި އެނޫންވެސް އެހެނިހެން ތަންތަނުގައި އޭނާ ހިތަށް އެރި އެއްޗެއް، ހިތަށް އެރި ގޮތަކަށް ހާމަކުރަމުންގެންދާތީ ގިނަބައެއްގެ ނުރުހުންވެސް ލިބިފައިވާ ތަރިއެކެވެ.
