ޗެމްޕިއަންސް ލީގު ފުޓްބޯޅަ މުބާރަތުން ޓީމުގެ ފެންވަރު ވަޒަންކޮއްލެވޭނެ ކަމަށް ޗެލްސީގެ ކޯޗު ފްރޭންކް ލަންޕާޑު ބުނެފިއެވެ.
މިދިޔަ ސީޒަންގައި ޗެމްޕިއަންސް ލީގު ފުޓްބޯޅަ މުބާރާތުގެ ނަތީޖާއިން ޓީމުގައި ތިބި ޒުވާން ކުޅުންތެރިން ފިލާވަޅު ލިބިގަންނަން ޖެހޭ ކަމަށް ޗެލްސީގެ ކޯޗު ފްރޭންކް ލަންޕާޑު ބުނެއިވެ. މިރޭ ޗެމްޕިއަންސް ލީގު ފުޓްބޯޅަ މުބާރާތުގައި ސެވިއްޔާ ދެކޮޅަށް ނުކުތުމުގެ ކުރިން ވާހަދައްކަމުން ޗެލްސީގެ ކޯޗު ލަންޕާޑު ބުނީ ޗެމްޕިއަންސް ލީގަކީ ގިނަކަންކަން ދަސްކުރުމަށް އޭޓިމުގެ ޒުވާން ކުޅުންތެރިންނަށް ލިބޭ ފުރުސަތެއް ކަމަށާއި އެއީ ޗެމްޕިއަންސްލީގުގައި ވާދަކުރާނީ ޔޫރަޕުގެ އެންމެ މަތީ ލެވަލްގައި ކަމަށެވެ. މިދިޔަ ސީޒަންގައި ޓީމުގައި ތިބި ގިނަ ޒުވާން ކުޅުންތެރިންނަށް ވަރަށް ގިނަ ކަންކަން ތަޖުރިބާ ކުރެވިފަވާނެ ކަމަށް ލަންޕާޑު ބުނެފައިވެއެވެ.
ވަރަށް ބޮޑަށް ސަމާލުވާންޖެހޭ، ފޯކަސް ގެއްލުވައިލާގެން ނުވާނެ ސެވިއްޔާ ކަހަލަ ޓީމަކާ ދެކޮޅަށް ނުކަންނައިރު، ޒުވާން ކުޅުންތެރިންނަށް ރަނގަޅު ތަޖުރިބާތަކެއް ކޮއްފަވާނެ މިދިޔަ ސީޒަނުގައިވެސް، ޗެލްސީ ދަސްކުރަން ޖެހޭ މެޗުތަކައި މެނޭޖްކުރަން.
– ލަންޕާޑް
ސެއްވިޔާ ވާދަކުރުމަކީ މުޅިންތަފާތު ޗެލެންޖެއް ކަމަށާއި އެޓީމުން މެޗުތަކުގައި މެނޭޖްކުރަން ދަސްކުރަން ޖެހޭކަމަށް ކުޅުންތެރިޔެއްގެ ގޮތުގައި ޗެލްސީއާ އެކު މިތަށި ކާމިޔާބު ކުރި ލަންޕާޑު ބުނެފައިވެއެވެ. ލަންޕާޑު ބުނީ ސެއްވިއްޔާ ދެކޮޅަށް ނުކުންނައިރު އެންމެ މުހިންމު ކަމަކީ ސަމާލުކަން ގެއްލުވާނުލާ ވިސްނުންތެރިކަމާއެކު އެއްއަމާޒަކަށް މެޗު ނިމެންދެން މަސައްކަތްކުރުން ކަމަށެވެ.
ޒުވާން ކުޅުންތެރިންނާއެކު މިހާތަނަށް ވަރަށްގަނަ ކަންކަން ދަސްކުރެވިއްޖެކަމަށާއި މިހާރު މަސައްކަތް ކުރަމުންދަނީ ގޭމް މެނޭޖްކުރުމަށް ކުޅުންތެރިންނަށް ދަސްކޮށްދިނުމުގެ ބައިކަމަށް ލަމްޕާޑު ބުނިއެވެ. މިއީ މި ދެޓީމު ޗެމްޕިއަންސް ލީގު ފުޓްބޯޅަ މުބާރާތުގައި ބައްދަލުކުރާ ފުރަތަމަ ފަހަރުއެވެ.
