ބާކީ ހަމެޗު އޮއްވާ ޝެފީލްޑް ރެލިގޭޓް ވެއްޖެ

އިނގިރޭސި ޕްރިމިއާ ލީގުގައި ރޭ ވުލްވްސް އަތުން 1-0 އިން ބަލިވެ ޝެފީލްޑް ޔުނައިޓެޑަށް ބާކީ ހަ މެޗު އޮއްވައި ރެލިގޭޓްވެއްޖެއެވެ.

ލީގުގެ 15 ވަނައިގައި އޮތް ނިއުކާސަލް ޔުނައިޓެޑުން 3-2 އިން ވެސްޓް ހޭމް ބަލިކުރުމުން ރޭގެ މެޗަށް ޝެފީލްޑް ނުކުތްއިރު ރެލިގޭޓްވުމުން ސަލާމަތްވުމަށް އެ ޓީމަށް ޖެހުނީ ވުލްވްސް އަތުން ބަލިނުވާށެވެ. އެކަމަކު ވުލްވްސް އަތުން ބަލިވެ ލީގުގައި ކުރިމަތިލި 26 ވަނަ ނާކާމިޔާބީ އަށް ފަހު ޝެފީލްޑް ރެލިގޭޓްވީ އެވެ.

މިދިޔަ ސީޒަނުގައި ތަފާތު ފޯމެއްގައި އޮތް ޝެފީލްޑްގެ ފޯމު ގެއްލުނީ މިދިޔަ އަހަރު އެންމެ ފުރަތަމަ ކޮވިޑް-19އާ ހެދި ލީގު 100 މެދުކަނޑާލުމަށް ފަހު އަލުން ފެށިއިރު އެވެ. އެ ފަހުން ޝެފީލްޑުން ކުރިން ދައްކަމުން އައި ހިތްވަރުގަދަ ކުޅުމެއް ނުފެނެ އެވެ. މި ފަހަރުގެ ސީޒަން ފަށައިގެން ފުރަތަމަ 13 މެޗަށް ފަހު ޝެފީލްޑްގެ އޮތީ އެއް ޕޮއިންޓެވެ.

ޝެފީލްޑްގެ ކުރީގެ ކޯޗު ކްރިސް ވައިލްޑާ މަގާމުން ދުރުކުރުމުން އެ ޓީމަށް މިހާރު އިރުޝާދުދެމުން އަންނަނީ ވަގުތީ ކޯޗު ޕޯލް ހެކިންބޮޓަމްއެވެ.