ރާއްޖޭގައި ކޯވިޑް-19 ފެތުރުން ހުއްޓުވުމުގައި ޑޮކްޓަރުން އަދާކުރެއްވި ދައުރަށް ޝުކުރު ހައްގުކަމަށް ރައީސުލްޖުމްހޫރިއްޔާ އިބްރާހީމް މުޙައްމަދު ޞާލިޙް ވިދާޅުވެއްޖެއެވެ.
އެމަނިކުފާނު މިހެން ވިދާޅުވީ، މިއަދު ފާހަގަކުރަމުންދާ ދިވެހި ޑޮކްޓަރުންގެ ދުވަހުގެ މުނާސަބަތުގައި ކުރެއްވި ޓުވީޓެއްގައެވެ. ރައީސުލްޖުމްހޫރިއްޔާގެ ޓުވީޓުގައި، ކޯވިޑް-19ގެ ބަލިމަޑުކަމުން ދިވެހި މުޖުތަމަޢު ރައްކާތެރިކޮށްދިނުމަށް ފާއިތުވި އަހަރެއްހާ ދުވަހު ޑޮކްޓަރުން ކުރެއްވި ބުރަ މަސައްކަތަށް އެމަނިކުފާނު ވަނީ ޝުކުރު އަދާކުރައްވާފައެވެ. އަދި ދުޅަހެޔޮ މުޖުތަމަޢުއެއް ބިނާކުރުމަށް ޑޮކްޓަރުން އަދާކުރައްވާ ދައުރު އެމަނިކުފާނު ވަނީ ފާހަގަކުރައްވާއެވެ.
Wishing all doctors serving in the Maldives a very happy National Doctors’ Day.
Thank you for your efforts this past year to manage our Covid-19 response and for everything you do to to keep us healthy and safe.
— Ibrahim Mohamed Solih (@ibusolih) April 18, 2021
ކޯވިޑް-19އިން އަރައިގަތުމަށް ކުރަމުންދާ މަސައްކަތަކަށް އަހަރަކަށްވުރެ ގިނަ ދުވަސްވެގެންދާއިރު އަދިވެސް ޑޮކްޓަރުންގެ މަސައްކަތަށް ނިމުމެއް ނެތެވެ. މަސައްކަތަކަށް ހުއްޓުމެއްނެތެވެ. ސިއްޙީ ދާއިރާގައި ޙަރަކާތްތެރިވާ 900 އެއްހައި ޑޮކްޓަރުންނަށް ހަމަޖެހުމެއް ލިބިގެންދާނީ މިބަލީގެ ނުރައްކާ ރާއްޖެއިން މުޅިން ފިލައިގެންދިޔުމުންނެވެ.
މި ހިތްވަރުގަދަ "ފަހުލަވާލުން"ގެ ޚިދުމަތް ދިވެހިން ބަލައިގަންނަނީ ނިހާއީ ޝުކުރުވެރި ހިތަކާއެކުގައެވެ. ޑޮކްޓަރުންނާއި ސިއްޙީ ޚިދުމަތްތެރިން ވަމުންދާ ޤުރުބާނީ ދިވެހިން ޤަބޫލުކުރަނީ ޤައުމީ މަތިވެރި ޚިދުމަތެއްގެ ގޮތުގައެވެ.
ކޮމެންޓު ފޮނުވާ