އުމުރުފުޅުން 99 އަހަރުގައި އަވަހާރަވެފައިވާ އިނގިރޭސި ރާނީގެ ފިރިކަލުން ޕްރިންސް ފިލިޕްގެ ނަޖާޒާ އެންމެ 30 މީހުންނާއެކު ބާއްވައިފިއެވެ.
މި ޖަނާޒާ، ޝާހީ އާއިލާގެ 30 މީހުންނާއެކު ބޭއްވިފައިވަނީ، މުޅި ދުނިޔެއަށް ކުރިމަތިވެފައިވާ ކޯވިޑް19ގެ ނުރައްކަލުގެ ސަބަބުންނެވެ.
ޖަނާޒާއަށް އިގިރޭސި ބޮޑުވަޒީރަށް ފުރުސަތު ދީފައި އޮތްނަމަވެސް، ބޮޑުވަޒީރު ބޮރިސް ޖޯންސަން ނިންމަވާފައި ވަނީ، ޖަނާޒާއަށް ހާޒިރުނުވެ، ގޭގައި ހުންނަވާއިގެން ޓީވީ މެދުވެރިކޮށް ޖަނާޒާ ބެއްލެވުމަށެވެ.
ޖަނާޒާގެ އިހުތިފާލްތައް އެސްޓީ ޖޯޖްސް ޗަޕެލްގައި ކުރިޔަށް ދިޔައިރު، ޕްރިންސް ފިލިޕްގެ އަބިކަނބަލުން، ކުއީން އެލިޒަބަތު ޖަނާޒާ ކުރިޔަށް ދިޔަ މާލަމްގައި އިންނެވިތަން ފެނިގެންދިޔައީ ގިނިކަންޏާއެވެ. ޑިއުކް އޮފް އެޑިންބާގްގެ ލަގަބުން ނަންދެވިފައިވާ ޕްރިންސް ފިލިޕް އަވަހާރަވެފައިވަނީ، އެޕްރިލް މަހުގެ 9 ވަނަ ދުވަހު އުމުރުފުޅުން 99 އަހަރުގައެވެ.
ޕްރިންސް ފިލިޕް ހިމެނިގެން ދިޔައީ، އިގިރޭސި ރަސްކަމުގައި އެންމެ ގިނަ ދުވަހު، އިނގިރޭސި ރަސްކަމުގައި ރަނިކަން ކުރެއްވި ރާނީއެއްގެ ފިރިކަލުންގެ ގޮތުގައި ދެމިހުންނެވި ބޭފުޅާއަށެވެ. ރާނީއާއި ޕްރިންސް ފިލިޕް ކައިވެނި ބައްލަވައިގެންނެވިތާ، އަވަހާރަވިއިރު ވަނީ 73 އަހަރު ވެފައެވެ.
ޕްރިންސް ފިލިޕްގެ ޖަނާޒާގައި، ކަޅު ހެދުމެއްގައި އިންނެވި ރާނީ، އެކަމަނާގެ ފިރިކަލުންނަށް އެންމެ ފަހުގެ އަލްވަދާޢު ވިދާޅުވިއިރު، ގިނަވަގުތު އިންނެވިތަން ފެނިގެން ދިޔައީ އިސްދަށަށް ޖައްސަވައިގެންނެވެ. އަދި ރާނީ ކީރިތި ކުރެއްވިތަންވެސް ފެނިގެން ދިޔައެވެ.
ޕްރިންސް ފިލިޕްގެ ޖަނާޒާގައި، ރާނީގެ އިތުރުން އެ ދެމަފިރިންގެ ދަރިންނާއި، ކާފަ ދަރިން ބައިވެރި ވެފައިވެއެވެ. މީގެތޭގައި ޕްރިންސް ޗާލްސްގެ ދެމަފިރިކަމަބުލުންގެ އިތުރުން، ޕްރިންސް ފިލިޕްގެ ކާފަ ދަރިންކަމުގައި ޕްރިންސް ވިލިއަމްއާއި ޕްރިންސް ހެރީ ހިމެނެއެވެ. މި ޖަނާޒާގައި ޕްރިންސް ވިލިއަމްގެ އަނބިކަބަލުން ބައިވެރިވެ ވަޑައިގެންނެވިއިރު، ޕްރިންސް ހެރީއާއެކު އަނބިކަބަލުން މޭގަމް ބައިވެރިވެ ވަޑައިގެންފައެއް ނުވެއެވެ.
އިގިރޭސިވިލާތުގެ ޝާހީ ގަޑުވަރުު، ބަކިންހަމް ޕެލަސްއިން އިން ހާމަ ކޮށްފައިވާ ގޮތުގައި، ޕްރިންސް ފިލިޕްގެ ޖަނާޒާ ބޭއްވުމަށް ހަމަޖެހިފައިވަނީ، އޭނާގެ ވަސިއްޔަތާއި އެއްގޮތަށް، އަދި ކޯވިޑް ފިޔަވަޅުތަކާއި އެއްގޮތަށް، ވީހާވެސް މަދު އަދަދެއްގެ އާއިލީ މެމްބަރުން ހާޒިރުވާ ގޮތަށެވެ.
ބުނެވޭ ގޮތުގައި، ޕްރިންސް ފިލިޕްއަކީ، އޭނާ އަވަހާރަ ވުމަށްފަހު، ރަސްމީ އިއްޒަތުގައި ބޮޑު ޖަނާޒާއެއް ބޭއްވުމަށް އެއްވެސް އިރަކު ބޭންފުޅުވީ ބޭފުޅެއް ނޫނެެވެ.
ވަގުތުން ދުރަށް ދައްކާފައިވާ މި ޖަނާޒާއަކީ، ޝާހީ އާއިލާގެ މެމްބަރަކު އަވަހާރަވުމުން އާންމުކޮށް ބައްވާޒާތުގެ ޝާހީ ޖަނާޒާއެއްގެ ބަދަލުގައި، ރަމްޒީ އިހުތިފާލެއްގެ ގޮތަށް ބޭއްވިގެންދިޔަ ޖަނާޒާއެކެވެ.
