މިޔާންމާގައި އުވާލެވިފައިވާ ގާނޫނު ހަދާ މަޖިލިސް ތަމްސީލު ކުރަމުންދާ ކޮމިޓީއިން އެގައުމުގައި ގައުމީ އެއްބައިވަންތަކަމުގެ އާސަރުކާރެއް އެކުލަވާލައިފިކަން އިއުލާން ކޮށްފިއެވެ.
މި ސަރުކާރު އިއުލާން ކޮށްފައި މިވަނީ، މިޔަންމާގެ އަސްކަރީ ސަރުކާރު ވެރިކަމުން ދުރުކޮށް މަދަނީ ވެރިކަމެއް އެގައުމުގައި ގާއިމް ކުރުމުގެ މަގުސަދުގައެވެ. މި ސަރުކާރު އެކުލެވިގެންވަނީ، މިޔަންމާއަށް ގެނެވުނު ބަޢާވާތުގައި މަގާމުން ދުރުކުރެވުނު ގާނޫނު ހަދާ މަޖިލިހުގެ މެމްބަރުންގެ އިތުރުން އެގައުމުގެ ތފާތު ދަރިކޮޅުތަކުންނާއި އަދި އަސްކަރުވެރިކަމާ ދެކޮޅަށް މުޒާހިރާ ކުރަމުންދާ އިސް ފަރާތްތައްވެސް ހިމެނޭ ގޮތުންނެވެ.
މި ސަރުކާރު އެކުލަވާލިކަން އިއުލާން ކޮށްފައިވަނީ، އަސްކަރީ ސަރުކާރުން އުވާލާފައިވާ ގާނޫނު ހަދާ މަޖިލިހުން މިޔަންމާރ ތަމްސީލު ކުރުމަށްޓަކާ ޔޫއެންއަށް ކަޑައަޅާފައި ހުންނެވި މަންދޫބު ޑރ. ސާސާ އެވެ.
"މިޔަމްނާގެ ތާރީޚުގައި ފުރަތަމަ ފަހަރަށް މިވަނީ ގައުމީ އެއްބައިވަންތަކަމުގެ ސަރުކާރެއް އެކުލަވާލެވިފަ،" މިޔަންމާގައި ގެނެވުނު އަސްކަރީ ބަޢާވާތުގައި މަގާމުން ދުރުކުރެވުނު އެގައުމުގެ ރައީސް ވިން މިންޓް ރައީސެއްގެ ގޮތުގައި އަދި ހައްޔަރު ކުރެވިފައިވާ އަންގސަން ސޫކީ ސްޓޭޓް ކައުންސިލަރގެ ގޮތުގައި ހިމަނާއިގެ އޭނާ ސޯޝަލް މީޑިއާގައި އާންމު ކުރެވި ލިޔުމުގައި ޑރ. ސާސާ ވިދާޅުވެފައި ވެއެވެ.
މިޔަންމާގެ ވަގުތީ ނާއިބު ރައީސް މަންގ ވިން ޚައިންގ، ގައުމީ އެއްބައިވަންތަކަމުގެ ސަރުކާރުގެ އެކުލަވާލެވުނު ގައުމީ އެއްބައިވަންތަކަމުގެ ސަރުކާރުގެ ބޮޑުވަޒީރަކަށް ވަނީ ހަމަޖައްސާފައެވެ. އަދި މި އިންތިގާލީ ސަރުކާރުގެ ޔޫނިއަން މިނިސްޓަރެއްގެ ގޮތުގައި ޑރ. ސާސާގެ ނަން ވަނީ ހިމަނާފައެވެ.
Today, at the end of Thingyan on the eve of Myanmar’s new year, we are proud to announce the formation of a new National Unity Government and the dawn of a new era for the people of Myanmar. For the first time in our history, Myanmar has a unity government. pic.twitter.com/t2prgeZahB
— Dr. Sasa (@DrSasa22222) April 16, 2021
މިޔަންމާގެ އެކި ކަންކޮޅުތަކުގައި އަދިވެސް ދަނީ އަސްކަރީ ވެރިކަމާ ދެކޮޅަށް މުޒާހިރާތައް ހިގަމުންނެވެ. މީގެ ތެރޭގައި، ހަމަހިމޭންކަމުގެ މުޒާހިރާތަކާއި އަދި މަގުތަކަށް އެއްވެގެން ބާއްވަމުންދާ މުޒާހިރާތައްވެސް ހިމެނެއެވެ. މިހާތަނަށް އައިއިރު، މި މުޒާހިރާތަކުގައި 700 އަށްވުރެ ގިނަ މީހުން ވަނީ މަރުވެފައެވެ.
މިޔަންމާގެ މެދުތެރޭ ސަރަހައްދުގެ އަވަށެއްކަމުގައިވާ މިންގޔަންގގައި ހިނގި ހަމަނުޖެހުންތަކުގައި ހުކުރުދުވަހު ވަނީ ދެމީހަކު މަރުވެފައެވެ. އަދި އަސްކަރިއްޔާއިން ގެންދަނީ ސަރުކާރަށް ފާޑު ކިޔާ ފަރާތްތައް ހައްޔަރު ކުރުމުގެ ގޮތުން ސަރުކާރުން ހޯދަން ބޭނުން ވެފައިވާ 200 މީހެއްގެ ނަން އާންމުކޮށްފައެވެ.
މިމީހުން ހޯދުމަށް އަސްކަރީ ސަރުކާރުން އިއުލާން ކޮށްފައިވަނީ، ސަލާމަތީ ބާރުތަކުގެ މަސްއޫލިއްޔަތަށް ހުރަސްއެޅުން މަނާކުރުމާއި އަދި ސަރުކާދެކޮޅަށް ތެދުވުމާއި ދެކޮޅަށް ހެދިފައިވާ ގާނޫނުތަކުގެ ދަށުންނެވެ.
