މަސްގެލެރީ ދޯނީގެ ފަޅުވެރިއަަކަށް ސިއްހީ މައްސަލައެއް ދިމާވެގެން އިތުރު ފަރުވާއަށް ވިލިނގިއްޔަށް

މަސްގެލެރީ ދޯނީގެ ފަޅުވެރިއަކަށް ސިއްހީ މައްސަލައެއް ދިމާވެގެން އެމްއެންޑީއެފްގެ އެހީތެރިކަމާއެކު ގއ. ވިލިނގިލީ ހޮސްޕިޓަލަށް ގެންގޮސް ފަރުވާދޭން ފަށާއިފި އެވެ.

އެމްއެންޑީއެފުން ބުނީ އެދޯނީގެ ބިދޭސީ ފަޅުވެރިއަކު ހޮޑުލައި ކަރުން ލޭއަންނަކަމަށް ރިޕޯޓް ލިބިގެން މިރޭ ދަންވަރު 3:20 ހާއިރު ވިލިނގިއްޔަށް ގެނެސްދީފައި ވާނޭކަމަށެވެ.

މި ހާދިސާގެ ރިޕޯޓް މިރޭ 00:40 ހާއިރު ލިބުނު އިރު އެ ދޯނި އޮތީ ވިލިނގިލީގެ އިރުން 23 ނޯޓިކަލް މޭލު ބޭރުގައި މަސްވެރިކަމަށް ނުކުމެ ކަމަށާއި އެ ދޯނީގައި16 ފަޅުވެރިން ތިބި ކަމަށްވެސް އެމްއެންޑީއެފުން މައުލޫމާތު ދެއެވެ.