ޗެމްޕިއަންސް ލީގުގެ ގަދައަށެއްގެ ދެވަނަ ލެގުގައި މިރޭ ޕީއެސްޖީއާ ދެކޮޅަށް ނުކުންނައިރު އުނދަގޫ ނަމަވެސް ބަޔާން މިއުނިކް ނުކުންނާނީ މޮޅުވާން ކަމަށް އެޓީމުގެ ކޯޗު ހެންސީ ފްލިކް ބުނެފިއެވެ.
މެޗަށް ނުކުތުމުގެ ކުރިން ވާހަދައްކަމުން ފްލިކް ބުނީ މިމެޗަކަކީ އެތައް ގޮތަކުން ކުޅުން ރަނގަޅުކޮށް މަސައްކަތް ކުރަން ޖެހޭ މެޗެއްކަމަށާއި ސެމީފައިނަލަށް ދިޔުމުގެ މަގު ގެއްލުނުކަމަކަށް އޭނާ ނުދެކޭކަމަށެވެ. ފުރަތަމަ ލެގުގައި ފެނުނު ވަރުގަދަ ޕީއެސްޖީ މިމެޗުގައި ވެސް ފެނުން ގާތްކަމަށާއި ބަޔާން އަށް ދެލަނޑު ކާމިޔާބުކޮށްގެން މުބާރާތުގެ ސެމީ ޔަގީން ކުރެވެން އޮތުމުން އެމަގުން ކުރިޔަށް ދިޔުމަށް މަސައްކަތް ކުރާނެކަމަށެވެ.
ނިމުނު ލެގުގެ ނަތީޖާ އިން އަހަރަމެން މާޔޫސްއެއް ނުވޭ، މަސައްކަތް ކޮއްފިނަމަ ޕީއެސްޖީ ބަލިކުރެވޭނެ. ހުރިހާ ގޮތަކަށް މިތިބީ ތައްޔާރުވެފަ.
– ފްލިކް ބުނިއެވެ.
ހުސްވި ސީޒަންގެ ޗެމްޕިއަންސް ލީގު ބަޔާން މިއުނިކަށް ކާމިޔާބުކޮށްދިން ކޯޗު ބުނީ ފްރާންސް ގައި ކުޅުނު ފުރަތަމަ ލެގުގައި ބަޔާން މިއުނިކް ބަލިވި ނަމަވެސް އެއީ ޕީއެސްޖީއަށް މައްޗަށް ނުހޯދޭވަރުގެ ކާމިޔާބަކަށް ވެގެން ނުވާނެކަމަށެވެ. އޭނާ ބުނީ އެ ނަތިޖާއަށް ކުޑަކޮށް މާޔޫސްވި ނަމަވެސް ބަޔާން މިއުނިކް އޮތީ މެޗަށް ވަރުގަދަށް ތައްޔާރުވެފައެވެ. މެޗާ ކުރިމަތިލާއިރު އަނިޔާގެ ސަބަބުން ބަޔާންގެ އެންމެ މުހުންމި ކުޅުންތެރިޔާ ރޮބާޓް ލެވޮންޑްސްކީ އަނިޔާގެ ސަބަބުން ނުކުޅެވޭނެއެވެ.
މީގެ ހަފްތާއެއްހާ ދުވަސް ކުރިން ފްރާންސްގައި ކުޅުނު ފުރަތަމަ ލެގު ކާމިޔާބުކުރީ 3-2 ލަނޑުން ޕީއެސްޖީއެވެ.
ކޮމެންޓު ފޮނުވާ