ޚިޔާލު ތަފާތުވުމަށް ފަހު، ފުރަތަމަ ފަހަރަށް އުރުދުންގެ ޕްރިންސް ހަމްޒާއާއި ރަސްގެފާނު އަބުދުﷲ އެއްތަނަކުން

އުފެދުނު ޚިޔާލު ތަފާތުވުމަށްފަހު، ފުރަތަމަ ފަހަރަށް، އުރުދުންގެ ރަސްގެފާނު އަބުދުﷲ II އާއި، އަދި އެއްބަފާ ބޭބޭފުޅު، ޕްރިންސް ހަމްޒާ ދެބޭފުޅުން އެއްތަނަކުން ފެނިއްޖެއެވެ.

ޕްރިންސް ހަމްޒާއާއި ރަސްގެފާނު އަބުދުﷲ އެއްތަނަކުން ފެނިފައިވަނީ، އުރުދުންގެ ރަސްކަން އުފެދުމުގެ ކުރިން އިގިރޭސިންގެ އިސްތިއުމާރުގެ ދަށުގައިއޮތް، އެމިރޭޓްސް އޮފް ޓްރާންސްޖޯޑަން އުފެދުނުތާ 100 އަހަރުފުރުން ފާހަގަ ކުރުމުގެ ގޮތުން، މަދު އާއިލީ ބޭފުޅުންކޮޅަކާ އެކީ، ބޭއްވި ކުޑަ އިވެންޓެއްގެ ތެރެއިންނެވެ.

އުރުދުންގެ ޝާހީ ގަޑުވަރުން އާންމު ކޮށްފައިވާ ފޮޓޯއިން ފެންނަ ގޮތުގައި، ރަސްގެފާނު އަބުދުﷲ II އާއި، ޕްރިންސް ހަމްޒާއާއި، އަދި ވަލީ އަހުދު، ޕްރިންސް އަލް ހުސެއިން ބިން އަބުދުﷲ IIގެ އިތުރުންވެސް އެެހެން ބައެއް އިއްޒަތްތެރިންނާއެކު، ޖޯޑަންގެ ވެރިރަށް އަންމާނުގައި ހުންނަ ކިންގ ތަލާލުގެ މަހާނައަށް ކުރި ޒިޔާރަތެއްގެ ތެރެެއިންނެވެ.

މިއީ، އުރުދުންގެ ސަލާމަތާއި ރައްކާތެރިކަމަށް ނުރައްކާވާނެ ފަދަ އަމަލްތަކެއް ޕްރިންސް ހަމްޒާ ހިންގަވަމުން ގެންދާކަމަށް ތުހުމަތު ކުރެވި، ބާވަތެއްގެ ގޭ ބަންދެއްގައި އޭނާ ބެހެއްޓުނު ފަހުން، އާންމުންގެ ތެރެއިން ފެނިފައިވާ ފުރަތަމަ ފަހަރަރެވެ.

އުރުދުންގައި ވަރަށް މަދުން ނޫނީ ކުރިމަތި ނުވާނެފަދަ ހާލަތެއްގައި، ރަސްގެފާނު އަބުދުﷲއާއި ޚިޔާލު ތަފާތުވުމަށްފަހު، މިއީ ޕްރިންސް ހަމްޒާ އާންމުގެ ތެރެއަށް ނިކުމެވަޑައިގެންނެވި ފުރަތަމަ ފަހަރެވެ. ރަސްގެފާނު އަބުދުﷲ ވިދާޅުވެފައިވަނީ، ޕްރިްނސް ހަމްޒާ އުޅުއްވީ އޭނާގެ ރަހުމަތްތެރި އިތުރު ދެ ބައިވެރި އަކާއެކީ، 'އުރުންގެ އެންމެ ބޮޑު ކުށަށް' އަރައިގަތުމަށެވެ.

އެހެންނަމަވެސް، މި ތުހުމަތުތަކައް ޕްރިންސް ހަމާވަނީ ދޮގު ކުރައްފާވައެވެ،

އުރުދުންގެ ސަރުކާރާ ދެކޮޅަށް ހިންހުނު މިހަރަކާތަށްފަހު، މިހާތަނަށް އައިއިރު ކުރެވެމުންދާ ތަހުގީގެ ބޭނުމަށް 18އަށްވުރެ ގިނަ މީހަކު ވަނީ ހައްޔަރު ކޮށްފައެވެ.

އަބުދުﷲ ރަސްގެފާނު މި ދިޔަ ހަފްތާގެ ބުދަދުވަހު، ހަމަޒާއާއި ގުޅޭގޮތުން ވިދާޅުވެފައިވަނީ، އޭނާ ހުންނެވީ އަމިއްލަފުޅު ގޭގައި، އުރުދުންގެ ސިފައިންގެ ހިމާޔަތާއި ރައްކާތެރިކަމާއެކު ގަމަށެވެ.

ހަމްޒާގެ ގާނޫނި ވަކީލު މެދުވެރޮކޮށް ބީބީސީއަށް ފާއިތުވެދިޔަ ހަފްތާގައި ފޯރުކޮށްދީފައިވާ އަމިއްލަފުޅު ވީޑިއޯގައި ޕްރިންސް ހަމްޒާ ވިދާޅުވެފައިވަނީ، “ގޭގައި ބަންދު ކޮށްފައިވަނީ، އަހަރެން ހާޒިރުވި ބައެއް ބައްދަލުވުންތަކުގައި، ނުވަތަ އަހަރެން ކުރި ބައެއް ދަތުރުތަކާއި ގުޅިގެން ސޯޝަލް މީޑިއާގައި ރަސްގެފާނަށް ނުވަތަ އުރުދުންގެ ސަރުކާރަށް ރައްދުވެފައިވާ ފާޑުކިއުންތަކާ ގުޅިގެން” ކަމަށެވެ.

ޕްރިންސް ހަމްޒާ ވިދާޅުވެފައިވަނީ، އޭނާ ގެއިން ބޭރަށް ނުދިއުމަށާއި، އާއިލާގެ މެމްބަކާ މެނުވީ ބައްދަލު ނުކުރުމަށާއި، ޓުވީޓު ނުކުރުމަށާއި، އަދި އެއްވެސް މީހަކާވެސް މުޢާމަލާތު ނުކުރުމަށް، އުރުދުންގެ ޖޯޑޭނިއަން އާރމްޑް ފޯސެސްގެ ޗީފް އޮފް ސްޓާފު އާއި، ޗީފް އޮފް ޕޮލިސްއާއި، ޗީފް އޮފް ސެކިއުރިޓީ ސާވިސަސް އިންޒާރު ދީފައިވާ ކަމަށެވެ.

މި ވީޑިއޯގައި އޭނާވަނީ، އާނާއަކީ ބޭރުގެ އެއްވެސް ސިއްރު އެޖެންޑާއެއްގެ ދަށުން މަސައްކަތް ކުރަމުންދާ މީހެން ނޫންކަމުގައި ބުނެފައެވެ. އަދި ވިދާޅުވެފައިވަނީ، އޭނާ ދެކޮޅު ހައްދަވަމުން ގެންދަވަނީ، އުރުދުންގައި އޮތް ކޮރަޕްޓް، ވެރިކަން ކުރުމުގެ ނިޒާމާ ކަމުގައެވެ.

“އުރުދުންގެ ސަރުކާރުގެ ތެރޭގައި އޮތް ދޯހަޅި ހިންގުމުގެ ނިޒާމުގެ ޒިންމާ އަހަރެން އުފުލާކަށް ނުޖެހޭނެ، އަދި އަހަރަކަށް ފަހު އަހަރަކަށް ހާލަތު ގޯސްވަމުންދާ، ފާއިތުވެދިޔަ 15، 20 ވަރަކަށް އަހަރު ވަންދެން ހިންގުމުގެ ނިޒާމުގެ ތެރޭގައި އޮތް ކޮރަޕްޝަނާއި ނާގާބިލްކުގެ ޒިންމާވެސް އަހަރެން އުފުލާކަށް ނުޖެހޭނެ. އަދި ސަރުކާރުގެ މުވައްސަސާތަކާމެދު ރައްޔިތުންގެ ހިތްތަކުގައި އިތުބާރު ގެއްލިގެން ދާދިއުމުގެ ޒިންމާވެސް އަހަރެން އުފުލާކަށް ނުޖެހޭނެ، އެ ޒިންމާ އުފުލަން ޖެހޭނީ އެ މުވައްސަސާތަކުން،” އޭނާ ގާތަށް ޒިޔާރަތްކުރި އަސްކަރިއްޔާގެ ވެރިޔާއަށް އޭނާ ދަންނަވާފައިވާ ކަމަށް މި ވީޑިއޯގައި ހަމްޒާ ވިދާޅުވެފައި ވެއެވެ.

އުރުދުންގެ “ސުލްހަ މަސަލަސްކަމާއި އެއްބައި ވަންތަކަމަށް” ބުރޫ އަރާނެ އެއްވެސް ކަމެއް ނުކުރުމަށް ކުރީގެ ވަލީއަހުދަށް ދަންނަވާފައިވާނެ ކަމަށް ހޮނިހިރުދުވަ އެގައުމުގެ އަސްކަރިއްޔާއިން ވަނީ ބުނެފައެވެ.

އުރުދުންގެ ދައުލަތުގެ ނޫސް އޭޖެންސީ މެދުވެރިކޮށް އާންމު ކޮށްފައިވާ ބަޔާނެއްގައި އަސްކަރިއްޔާއިން ބުނެފައިވަނީ، ސުލްހަ މަސަލަސްކަމާއި އެއްބައި ވަންތަކަމަށް ބުރޫ އަރާނެ އެއްވެސް ކަމެއް ނުކުރުމަށް ކުރީގެ ވަލީއަހުދަށް އަންގާފައިވާ އެންގުމަކީ، ސަލާމަތީ ކަންކަމާ ގުޅިގެން، ޝާހީ އާއިލާގެ މެމްބަރެއްކަމުގައިވާ ކުރީގެ ވަޒީރަކާއި އަދި ނަން ހާމަކޮށްފައި ނުވާ އެހެން ބައެއް މީހުންގެ މައްޗަށް ކުރެވެމުންދާ ތަހުގީތަކަކާއި ގުޅިގެން އަންގާފައިވާ އެންގުމެކެވެ. މި ތަހުގީގާ ގުޅިގެން ކުރީގެ ވަޒީރުގެ އިތުރުން އިތުރު ބަޔަކު ހައްޔަރު ކުރެވިފައިވާ ކަމަށްވެސް އަސްކަރިއްޔާއިން ބުނެފައިވެއެވެ.

އުރުދުންގެ އަސްކަރިއްޔާގެ ޗީފް، ޔޫސުފް ހުނެއިޓީ ވިދާޅުވެފައިވަނީ، ޕްރިންސް ހަމްޒާ ގޭގައި ބަންދު ކޮށްފައި ނުވާކަމަށާއި އެހެންނަމަވެސް، އުރުދުންގެ ސަލަމާތާއި ރައްކާތެރިކަމަށް ގެއްލުންދޭ ކަންކަމުން ދުރުހެލިވުމަށް އޭނާއަށް އަންގާފައިވާ ކަމުގައެވެ. އެހެންނަމަވެސް، އުރުދުންގެ ސަލާމަތާއި ރައްކާތެރިކަމަށް އަސަރު ކުރާ މިކަންކަމަކީ ކޮބައިކަމެއް އޭނާ ވިދާޅުވެފައެއް ނުވެއެވެ.