ދިވެހިރާއްޖެ މިވަނީ އަނެއްކާވެސް ބޮޑުތަކުރުފާނަކަށް ބޭނުންވެފައިކަމަށް ރައްޔިތުންގެ މަޖިލީހުގެ ނޮޅިވަރަމް ދާއިރާގެ މެންބަރު މުޙައްމަދު ނަޝީދު (މޮސްޓާ) ވިދާޅުވެއްޖެއެވެ.
މެންބަރު މިހެން ވިދާޅުވެފައިވަނީ ޤައުމީ ދުވަހާއި ގުޅިގެން ފޭސްބުކް ޕޭޖުގައި ކުރެއްވި ޕޯސްޓެއްގައެވެ.
ނޮޅިވަރަމް ދާއިރާގެ މެންބަރު މުޙައްމަދު ނަޝީދު ޢަބްދުﷲ (މޮސްޓާ) ވިދާޅުވީ ޤައުމީ ދުވަސް ފާހަގަކުރާއިރު ޤައުމު މިއަދު އަނެއްކާވެސް މިވަނީ ބޮޑުތަކުރުފާނަކަށް ބޭނުންވެފައިކަމަށާއި، ޤައުމު އެދި ގޮވަނީ އަޅުވެތިކަމާ ދެކޮޅަށް ނިކުންނަން ދެހާޖީންނާ ދަންޑެހެލު ފަދަ ދަރިންތަކަކަކަށް ކަމަށެވެ. މެންބަރު ވިދާޅުވީ ޤައުމަށް މިއަދު މަދުވަނީ ޙުސައިން އާދަމްފަދަ ޒުވާނުންކަމަށެވެ.
"ތިލަދުންމަތިން ޤައުމަށްޓަކާ އަނެއްކާވެސް މިފަދަ ބަޔަކު ނިކުންނަން ނުވޭބާ؟ ޕާޓީކުލަ ދޫކޮށް ޤައުމީ ކުލައިން ޖަރީވެފައި ތިބި ތިލަދުންމަތީ ޒުވާނުން ހޭލާ ޤައުމުގެ މިނިވަންކަމާ އިސްތިޤްލާލު ކޮޅަށް ޖަހަން ގޮވާލަން."
-ނޮޅިވަރަން ދާއިރާގެ މެންބަރު މުޙައްމަދު ނަޝީދު (މޮސްޓާ)
މެންބަރު ނަޝީދު މިފަދައިން ގޮވާލައްވާފައި މިވަނީ ރާއްޖެއަށް އިންޑިއާއިން އަތްގަދަކޮށް ރާއްޖޭގައި އިންޑިއާ ސިފައިން ދާއިމީކޮށް ތިބޭކަމަށްބުނެ އެކަމާ ގިނަބަޔަލު ސަރުކާރަށް ފާޑުކިޔާ އިންޑިއާ ސިފައިން ޤައުމުން ބޭރުކުރުމަށް ގޮވާލަމުން އަންނަ ދަނޑިވަޅެއްގައެވެ.
