އުމުރުފުޅުން 99 އަހަރުގައި، އިގިރޭސި ރާނީގެ ފިރިކަމުން ޕްރިންސް ފިލިޕް އަވަހާރަ ވުމާއި ގުޅިގެން އިގިރޭސި ރާނީއަށް ފުންހިތާމައެއް ކުރައްވަން ޖެހިވަޑައިގެންފައި ވާއިރު، ޕްރިންސް ފިލިޕް އަވާހާރުވުމުގެ ހިތާމާގައި ދުނިޔޭގެ އެކި ކަންކޮޅުތަކުން ރާނީއަށް ތައުޒިޔާގެ މެސެޖްތައް ދަނީ ފޮނުވަމުންނެވެ.
މީގެތެރޭގައި، ދުނިޔޭގައި މިހާރުވެސް އުވިނުގޮސް އޮތް، ރަސްކަންތަލުންނާއި، ގައުމުތަކުގެ ރައީސުންނާއި އަދި ބޮޑުވަޒީރުންވެސް ހިމެނެއެވެ.
އެމެރިކާގެ ރައީސް ޖޯބައިޑްންވަނީ، ޕްރިންސް ފިލިޕް އަވަހާރަ ވުމުގެ ތައުޒިޔާ އިގިރޭސި ރާނީއަށް ފޮނުވަމުން، "ޕްރިންސް ފިލިޕް އިގިރޭސިވިލާތުގެ ރައްޔިތުންނަށާއި، ކޮމަންވެލްތަށާއި އަދި އޭނާގެ އަމިއްލަ ފުޅު އާއިލާއަށް ބެހެއްޓެވި އިޚްލާސްތެރި ކަމަށް" ތައުރީފް ކޮށްފައެވެ. އަދި ބައިޑްންވަނީ، ދެވަނަ ބޮޑު ހަގުރާމާގައި، ޕްރިންސް ފިލިޕް އަދާ ކޮށްދީފައިވާ ހިތްވަރު ގަދަ ދައުރާއި، އަދި ތިމާވެށި ހިމާޔަތް ކުރުމަށް ކުރައްވާފައިވާ މަސައްކަތުގެ އިތުރުން، އިގިރޭސިވިލާތުގެ ޒުވާން ޖީލަށް ޕްރިންސ ފިލިޕް ދައްކަވާ ދެއްވާފައިވާ ނަމޫނާއަށްވެސް އޭނާއަށް ތައުރީފު ކޮށްފައެވެ.
ޑިއުކް އޮފް އެޑިމްބާގް، ޕްރިންސް ފިލިޕް އަހަވާރަ ވެއްޖެކަން އިގިރޭސިވިލާތުގެ ޝާހީ ގަޑުވަރުން އިއުލާން ކޮށްފައިވަމީ ފާއިތުވެދިޔަ ހުކުރު ދުވަހުއެވެ. ޝާހީ ގަޑުވަރުން ބުނެފައިވަނީ، ޕްރިންސް ފިލިޕް އަވަހާރަ ވެފައިވަނީ ހުކުރު ދުވަހުގެ ހެނދުނުގެ ވަގުތެއްގައި ކަމަށެވެ.
ޕްރިންސް ފިލިޕް ވަނީ، އިގިރޭސި ރާނީ، ކުއީން އެލިޒަބަތު ދެވަނަ، ގައުމުން ބޭރަށް ކުރައްވާފައިވާ އެތައް ސަތޭކަ ދަތުރެއްގައި އެނަމަނާއާއެކީ ބައިވެރި ވެޑައިގެންފައެވެ.
ޕްރިންސް ފިލިޕްއަކީ، އެހާރާއި މިހާރުގެ، ޔޫރަޕްގެ ރަސްކަމުގައި ތިއްބެވި، ޝާހީ އާއިލާތަކަށް ނިސްބަތްވާ ވަރަށް ގިނަ މީހުންނާއި އާއިލީގޮތުން ގުޅުން ހުރި ބޭފުޅެކެވެ. އަދި އޭނާ އަވަހާރަވުމާއި ގުޅިގެން، މުހުރިހާ ފަރާތްތަކުންވެސް ގެންދަވަނީ އިގިރޭސި ޝާހީ އާއިލާއަށް ތައުޒިޔާގެ މެސެޖްތައް ފޮނުވަމުންނެވެ.
ޕްރިންސް ފިލިޕް ވެގްންދިޔައީ، ރާނީއާއި ކައިވެނި ބައްލެވުމަށްފަހު، ހުރިހާ ގޮތަކުންވެސް އެކަމަނާއަށް އެހީތެރި ވެދީ، އަދި އެކަމަނާގެ އެންމެ ބޮޑު މަދަގާރުކަމުގައެވެ. މިގޮތުން، މިހާރު 70 އަހަރު ވެފައިވާ، ޕްރިންސް ފިލިޕްއާއި ރާނީގެ ޒަވާޖީ ހަޔާތައް 50 އަހަރު ފުރުނު ރަންޔޫބީލް އިވެންޓުގައި ވަހަކަ ދައްކަވަމުން ރާނީ ވިދާޅުވަފައިވަނީ، އެކަމަނާގެ ހުރިހާވެސް ބާރަކާއި އާރަކީ ޕްރިންސް ފިލިޕް ކަމުގައެވެ.
އިގިރޭސި ރާނީއާއި ޕްރިންސް ފިލިޕް ކައިވެނި ބައްލަވައިގެންފައިވަނީ 1947 ވަނަ އަހަރުއެވެ. އެއީ އޭރުގެ ޕްރިންސެސް އެލިޒަބަތު އިގިރޭސިވިލާތުގެ ރާނީއަކަށް ވެވަޑައިގަތުމުގެ 5 އަހަރު ކުރިންނެވެ.
ޕްރިންސް ފިލިޕްސް އަވަހާރަވިއިރު، ރާނީއާއި ޕްރިންސް ފިލިޕްގެ 4 ބޭފުޅުންނާއި، 8 ކާފަ ދަރިންނާއި، 10 މުނި ކާފަ ދަރިން އެބަތިއްބެވެ.
ދެބޭފުޅުންނަށް ލިބިވަޑައިގެންނެވި އެންމެ ފުރަތަމަ ދަރިފުޅު، ޕްރިންސް އޮފް ވޭލްސް، ޕްރިންސް ފިލިޕް ލިބިވަޑައިގަތީ 1948 ވަނަ އަހަރުއެވެ. ދެވަނަ ދަރިފުޅުން، ޕްރިންސް ޗާލްސް ދައްތަ، ޕްރިންސެސް އެން އުފަން ވެވަޑައިގަތީ އޭގެ ދެ އަހަރު ފަހުން، 1950 ވަނަ އަހަރުއެވެ. އަދި ޕްރިންސް އެންޑްރޫ 1960ގައި ލިބިވަޑައިގެންނެވި އިރު، ޕްރިންސް އެޑްވަޑް ލިބިވަޑައިގެންނެވީ 1964 ވަނަ އަހަރުއެވެ.
ޕްރިންސް ފިލިޕް ދުނިޔޭގެ އަލިކަން ދެކެވަޑައިގަތީ، 10 ޖޫން 1921 ވަނަ އަހަރު، ގްރީކް އައިލޭންޑުގެ ކޯފުގައެވެ.
