ސަރުކާރުން ބޮޑެތި ތަރައްޤީގެ މަޝްރޫޢުތައް ހިންގަވާއިރު، އާންމު ރައްޔިތުންނަސްވެސް އަބުރުވެރިކަމާއިއެކު އުޅެވޭނެ ގޮތެއް ތަނަވަސް ކޮށްދެއްވުމަށް އެމްޑީޕީގެ ކުރީގެ ރައީސް އިބްރާހިމް އިސްމާއިލް ރައީސް ޞާލިހާއި، ރައީސް ނަޝީދުގެ ކިބައިން އެދިވަޑައިގެންފިއެވެ.
އިބްރާ ކުރެއްވި ޓްވީޓެއްގައި ވިދާޅުވީ މިއަދު ރާއްޖޭގައި ތަރައްޤީގެ ބޮޑެތި ބިޔަ ޕްރޮޖެކްޓްތަކާއި، މަޝްރޫޢުތައް ހިންގަވަމުން ގެންދަވާއިރު، ރައްޔިތުންނަށްވެސް ދިރިއުޅެވޭނެ ތަނަވަސް މާހައުލެއް ޤާއިމް ކޮށްދޭން ޖެހޭކަމަށެވެ. އަދި މިއަދު ރާއްޖޭގައި އޮތް މާހައުލަކީ އަބުރުވެރިކަމާއިއެކު މަސައްކަތް ކޮށްލައިގެން ދިރިއުޅެވޭފަދަ މާހައުލެއް ނޫންކަމަށް ސިފަވާފަދަ މޭރުމަކުން އިބްރާވަނީ ވަނީ ވިދާޅުވެފައެވެ.
Dear @ibusolih @MohamedNasheed
Bodethi project thakaa tharaqqeege mashroou' thah hingavamun gendhavaairu, alhugan'dumen rayyithunnah aburuverikamaa eku, sulh'a veri maah'auleggai, masakkaiy kollaigen ulheleveyne gothehves thanavas kolla dhevvaasheve!
— Ibra – Unapologetically for Justice (@ibramandhu) October 18, 2020
އިބްރާ މިފަދަ ޓްވީޓެއް ކުރައްވާފައިވާއިރު މިމަހުގެ 10 ވަނަ ދުވަހު ވަނީ އިބްރާ ހިންގަވާ މަންދު ކޮލެޖުގެ ޢިމާރާތަށް ޢަރަބިއްޔާ ސްކޫލްގެ ދަރިވަރުން ވަގުތީގޮތުން ބަދަލުކުރެވުނުއިރު އެތަނުގައި ހުރި ފަރުނީޗަރުތައް ގެއްލުނު މައްސަލާގައި އެކުންފުނިން އެދުނުނުފަދަ ބަދަލު ނަގައިދެވެން ނެތްކަމަށް ހައިކޯޓުން ޙުކުމްކޮށްފައެވެ..
ކުރިން އެމްއީއެސް ހިންގި ޢިމާރާތުގައި މަންދު ކޮލެޖު ހިންގަމުން އަންނަނިކޮށް އެތަނަށް ވަގުތީގޮތުން ޢަރަބިއްޔާ ސްކޫލްގެ ދަރިވަރުން ބަދަލުކުރުމުން އެތަނުގައިހުރި މަންދުކޮލެޖުގެ ފަރުނީޗަރުތަކަށް ވިނުވީއެއް ނޭނގި ގެއްލުމުން ބަދަލުނަގައިދިނުމަށް އެޑިއުކޭޝަން މިނިސްޓްރިއާއި ދެކޮޅަށް މަންދުކޮލެޖު ހިންގާ މާލޭ ހައި ޕްރައިވެޓް ލިމިޓެޑް އިން ދައުވާކޮށްފައިވަނީ 4،51189 (ހަތަރުލައްކަ ފަންސާސްއެއްހާސް އެއްސަތޭކަ އަށްޑިހަ ނުވަރުފިޔާ) ހޯދުމަށެވެ.
އަދި ދައުވާ ފޯމް ހުށައެޅި ތާރީޚުން ފެށިގެން ޖޫރިމަނާ ފައިސާގެ ގޮތުގައި އެޢަދަދުގެ 0.5 އިންސައްތައިގެ މަގުން ތިންމިލިއަން އަށްޑިހައަށްހާސް ތިންސަތޭކަ އަށްޑިހައަށްރުފިޔާ ހަތްދިހަހަތްލާރި ނަގައިދިނުމަށެވެ.
ރައްޔިތުންނަށް އަބުރުވެރިކަމާއިއެކު ދިރިއުޅެވޭނެ ގޮތެއް ހޯދައި ދިނުމަށް އިބާރްހިމް އިސްމާއިލް ޓްވީޓް ކުރައްވާފައިވާއިރު، "ބޯގަންވިލާ" އާއިލާއަކީ މިސަރުކާރުގެ އެންމެ ނުފޫޒުގަދަ މަޤާމުތައް ފުރުއްވަމުންދާ ބޭފުުޅުން ހިމެނޭ އެއްއާއިލާ ކަމުގައި އެމްޑީޕީ ތެރޭގެ ބައެއް ބޭފުޅުންވެސް ދަނީ ވިދާޅުވަމުންނެވެ. ޚާއްސަކޮށް އިކޮނޮމިކް މިނިސްޓަރ ފައްޔާޒް އިސްމާއިލްއަކީ މިސަރުކާރުގެ އެންމެ ނުފޫޒު ގަދަ އެއްވަޒީރެވެ. އެމްޑީޕީ ރައީސް އަދި މަޖިލީހުގެ ރައީސް ނަޝީދަށްވެސް ފައްޔާޒު ވަޒީރުކަމުން ބޭރުކުރުމަށް ކުރައްވަމުންދާ މަސައްކަތަށް މިހާތަނަށް ކާމިޔާބް ލިބިފައި ނުވަނީވެސް "ބޯގަންވިލާ" ގެ ބާރު ސަރުކާރުގެ ތެރޭގައި ގަދަވުމުންކަމަށް އެމްޑީޕީގެ ބައެއް ބޭފުޅުން ވިދާޅުވެއެވެ.
ކޮމެންޓު ފޮނުވާ