އަންނަ ހޮނިހިރު ދުވަހު ބާއްވާ ލޯކަލް ކައުންސިލްތަކުގެ އިންތިޚާބާއި އަންހެނުންގެ ތަރައްޤީއަށް މަސައްކަތްކުރާ ކޮމިޓީތަކުގެ އިންތިޚާބުގައ،ި ވޯޓުލާ މަރުކަޒުތަކުގައި ހަރަކާތްތެރިވާ އޮފިޝަލުންގެ ތެރެއިނ،ް އަންސާނާ ވެލާވަރު ރިސޯޓަށް ދިޔަ އިލެކްޝަންސްގެ އޮފިޝަލުން އެރަށަށް ނޭރުވިކަމަށް އިލެކްޝަންސް ކޮމިޝަންގެ ރައީސް އަޙްމަދު ޝަރީފް ވިދާޅުވެއްޖެއެވެ.
ޝަރީފް ވިދާޅުވީ އެ ރިސޯޓަށް އެރުމުގެ ހުއްދަ ނުދިނުމުން އިލެކްޝަންސްގެ އޮފިޝަލުން ކައިރި ރަށަކަށް ފޮނުވާފައިވާކަމަށާއި، ވޯޓްލުމަށް ރަޖިސްޓްރީ ކޮށްފައިވާ 61 މީހުންނަށް ވޯޓު ލެވޭނެ ގޮތެއް ހޯދުމުގެ މަސައްކަތް ކުރަމުން އަންނަކަމަށެވެ. އިލެކްޝަންގެ އޮފިޝަލުން ވެލާވަރު ރިސޯޓަށް ނޭރުވި ސަބަބެއް ނޭނގެއެވެ.
Angsana velaavaru ah EC ge officials erumuge huhdha nudheegen officials kairi rashakah fonuvaa, e resort ga vote lumah reg kohfavaa 61 faraathah vote leveyne gotheh hoadhumuge masaikai kuramun midhanee @AVelavaru @MoTmv @HPA_MV @AngsanaHotels
— Ahmed Shareef (@ShareefRangondi) April 8, 2021
މިކަމާއި ގުޅިގެން އިލެކްޝަންސް ކޮމިޝަންގެ ނާއިބު ރައީސް އިސްމާޢީލް ހަބީބު ވިދާޅުވީ އިންތިޚާބުތަކާއި ބެހޭ ޢާންމު ޤާނޫނުގެ ދަށުން، އިލެކްޝަންސް ކޮމިޝަނުން ވޯޓުފޮށި ބަހައްޓާން ބޭނުންވާ ކޮންމެ ރަށެއްގައި ވޯޓުފޮށި ބެހެއްޓޭނެކަމަށެވެ.
މިފަހަރުގެ އިންތިޚާބުގައިރާާއްޖޭގެ 173 ރިސޯޓެއްގައި ވޯޓުފޮށި ބެހެއްޓުމަށް ވަނީ ނިންމާފައެވެ. އިންތިޚާބު ކުރިއަށްދާނެ މަރުކަޒުތަކށް ބޭނުންވާ ހުރިހާ ވޯޓު ފޮށްޓަކާއި، ވޯޓު ފޮށި އަދި އެހެނިހެން ސާމާނު ރިސޯޓްތައް ފިިޔަވާ ހުރިހާ ރަށަކަށް މިހާރު ވަނީ ފޮނުވާފައެވެ. އިލެކްޝަންސް ކޮމިޝަނުން ވަނީ މާދަމާގެ ނިޔަލަށް ރިސޯޓްތަކަށްވެސް އެތަނެކތި ފޮނުވާ ނިމޭނެކަމަށް ބުނެފައެވެ.
މިފަހަރުގެ އިންތިޚާބު ކުރިއަށްދާނީ ކޯވިޑް-19ގެ ސަބަބުން ބަލުން ރައްކާތެރިވުމަށް އެޗްޕީއޭގެ ޚާއްޞަ ފިޔަވަޅުތަކާއެކުއެވެ. އެހެންކަމުން މިފަހަރު ހުރިހާ ރިސޯޓެއްގައިވެސް ވޯޓު ލެވޭނެ އިންތިކޒާމް އެޗްޕީއޭގެ ގައިޤލައިންގެ ތެރެއިން އިލެކްޝަންސް ކޮމިޝަނުން ހަމަޖައްސަންޖެހެއެވެ.
އެޗްޕީއޭއިން ވަނީ ވޯޓުލުމަށް ބޭނުންވާ ހުރިހާ އެންމެނަށް ރާއްޖޭގެ ކޮންމެ ރަށަކަށްވެސް ދަތުރުކުރެވޭނެ ގޮތް މިމަހުގެ11ގެ ނިޔަލަށް ހަމަޖައްސާފައެވެ. އެގޮތުން ކަރަންޓީގައި އޮތް ރަށަކަށްވެސް ވޯޓުލުމަށް ދެވޭނެއެވެ.
ކޮމެންޓު ފޮނުވާ