ރާއްޖޭގެ މިނިވަންކަން ތާއަބަދު އޮތުމަކީ ދިވެހި ކޮންމެ ދަރިއަކުވެސް އެދިގޮވާ ގޮވުންކަމަށާއި، ފަސްގަނޑު ދަށަށް ދާއިރުވެސް ހިތް ގޮވާނީ މިނިވަންކަން ހިމާޔަތްކޮށްދޭން ކަމުގައި މަޝްހޫރު ކޮމީޑިއަން އަހުމަދު ޝާޒް(ތަޖޫ) ބުނެފިއެވެ.
ޤައުމީ ދުވަހުގެ ތަހުނިޔާ ވިދާޅުވެ ތަޖޫބެ ފޮނުވި ވީޑިއޯ މެސެޖްގައި ބުނެފައިވަނީ ރާއްޖޭގެ މިނިވަންކަމާއި ސިޔާދަތު ނަގާލުމަށް ބޭރުން އަންނަ ބަޔަކަށް ބަޑިޖަހައި މަރާލެވިދާނެކަމަށެވެ. ނަމަވެސް ދިވެހިންގެ ހިތުގައި އޮންނަ އަގީދާއެއް އަދި މިފަސްގަނޑު މިނިވަންކަން މަތީ ތާއްބަދަށް ބޭއްވުމަށް އެދި ގޮވާ ގޮވުމަށް، ކުޑަވެސް ބަދަލެއް ނާންނެކަމަށް ތަޖޫ ވަނީ ބުނެފައެވެ.
?? Qaumee dhuvahuge thahuniyaa loaibbaai eku emmenah♥️ pic.twitter.com/wQyFJw4L0q
— Ahmed Shaz (Thajoo) (@shaazthajoo) October 18, 2020
ތަޖޫއަކީ މިސަރުކާރުން އިންޑިޔާއާއި ގާތް ގުޅުމެއްބާއްވާތީ އެކަމަށް ސޯޝަލް މީޑިޔާގައި ވަރަށްބޮޑަށް ފާޑުވިދާޅުވެ ވާހަކަދައްކާ މީހެކެވެ. ސިފައިންގޭގައިވެސް ގިނަ ދުވަސްތަކެއް ވަންދެންދެން މަސައްކަތް ކުރައްވާފައިވާ ތަޖޫ ވަނީ އިންޑިޔާއިން ބޭނުންނަމަ ރާއްޖެެ ހިފިދާނެކަމަށްބުނެ ސަރުކާރުގެ އިސްބޭފުޅުން ދައްކަވާފައިވާ ވާހަތަކަށްވެސް ރައްދު ދީފައެވެ. އޭނާ ބުނެފައިވަނީ މިއީ21 ވަނަ ގަރުނު ކަމަށާއި، ބޮޑު ޤައުމު ބޭނުންވުމުން ބޭނުންހާއިރަކު އެއްވެސް ޤައުމެއް އަޅުވެތި ނުކުރެވޭނެ ކަމަށެވެ.
އިންޑިޔާއިން ރާއްޖޭގެ މިނިވަންކަމަށް އަރައިގަނެ ރައްޖޭގެ އެކި ރަށްތަކަށް އަތްގަދަ ކުރަމުންދާކަމަށްބުނެ ގިނަ ބައެއްގެ ފާޑުކިޔުން ވަނީ ސަރުކާރަށް އަމާޒުވެފައެވެ. އަދި ރާއްޖެއާއި އިންޑިޔާއާއި ދެމެދު ވަމުންދާ ވިޔަފާރިއާއި އިޤްތިޞާދި އަދި އަސްކަރީ އެއްބަސްވުންތައް ރައްޔިތުންނަށް ހާމަކުރުމަށް އިދިކޮޅު ފަރާތްތަކުންވެސް ވަނީ ސަރުކާރަށް ގޮވަލާފައެވެ.
