ޓިކްޓޮކް ތަރިންގެ އަވާގައި ގިނަބަޔަކު ޖެހިއްޖެއެވެ. ޓިކްޓޮކްގައި އެތައް ވަގުތެއް ހޭދަކޮށް، އޭގެން ލޯބިވެރިން ނަގައިގެން އުޅޭ މީހުންވެސް މަދެއް ނޫނެވެ. އަދި އޭގެން ދިމާވި މީހުން ކަމުގޮސް، އެ މީހުން އުޅޭ ނޫޅޭ ގޮތް ބަލާ މީހުންވެސް މަދެއް ނޫނެވެ.
މިއީވެސް މަޝްހޫރު ޓިކްޓޮކް ތަރިއެކެވެ. ސޯޝަލް މީޑިއާ އިންފްލުއެންޒާއެއްގެ ގޮތުގައިވެސް ފާހަގަކުރެވޭ އާމިރް ސިއްދީގަކީ މުމްބާއީއަށް ނިސްބަތްވާ އުމުރުން 25 އަހަރުގެ ޒުވާނެކެވެ. ރަޝިއާ އިން އެމްބީބީއެސް ހަދަމުން އަންނަ އާމިރް ހުރީ ހުސްކޮށެވެ. އޭނާއާ ގުޅޭގޮތުން ބޭނުންވާ މައުލޫމާތުތައް މިހިރީއެވެ.
އާމިރްގެ އާއިލާ
އޭނާއަކީ މުސްލިމް އާއިލާއަކަށް ނިސްބަތްވާ ޒުވާނެކެއެވެ. އޭނާ ހިމެނޭ ގޮތަށް އެ އާއިލާގައި އޭނާއާ އެއްބަނޑު އެއްބަފާ ތިން މީހުން ތިބޭއިރު، އޭގެ ތެރޭގައި ހިމެނެނީ ފައިޒަލް ސިއްދީގް އާއި މަރިޔަމް ނޫމާން ސިއްދީގް ޚާން އެވެ. އެ އާއިލާއާ ގުޅޭގޮތުން އިތުރު މައުލޫމާތު ހާމަކޮށްފައެއް ނުވެއެވެ.
އާމިރްގެ ކެރިއާ އާއި ދިރިއުޅުން
ރިޕޯޓްތައް ބުނާގޮތުގައި، އޭނާ ހުރީ ހުސްކޮށެވެ. އޭނާ ބޭނުންވަނީ ޓިކްޓޮކް ސްޓަރއަކަށްވުމަށާއި، ސޯޝަލް މީޑިއާ ބޭނުންތެރި ގޮތުގައި ހިފުމަށެވެ. އޭނާ ދަނީ އިންޑިއާގައި ހިނގަމުންދާ އެކި ކަންކަމާއި ގުޅޭގޮތުން ވީޑިއޯތައް ހަދައި އާއްމުން އެކަންކަމަށް ހޭލުންތެރި ކުރުވަމުންނެވެ. އެގޮތުން ދީނީ ކަންތައްތަކާއި ހެދި އޮންނަ ފިއްތުންތަކުގެ ވާހަކަތައް އޭނާ ގެނެސްދޭއިރު، ކޮންމެ ދީނެއްގެ މީހެއް ނަމަވެސް އެންމެންގެ ހަމަހަމަކަމަށް ބާރުއަޅައި އޭނާ ދަނީ ވާހަކަދައްކަމުންނެވެ. އޭނާ ޓިކްޓޮކް ކުޅެން ފެށިއިރު، ކޮންމެ ދުވަހަކު ކަހަލަ ގޮތަކަށް ވީޑިއޯ ހަދައި ޕޯސްޓްކޮށް ހަދައެވެ. އަދި އޭނާއަކީ ޓިކްޓޮކް ޓީމެއްގައިވެސް ހިމެނޭ މެންބަރެއްކަން ފާހަގަކޮށްލަން ޖެހެއެވެ.
އިންސްޓަގްރާމްގައިވެސް ތަރިއެއް
އޭނާއަކީ އިންސްޓަގްރާމްގައިވެސް މަޝްހޫރުކަން ހޯދާފައިވާ ތަރިއެކެވެ. އޭނާގެ އެކައުންޓުގައި 580 ހާސް ފޮލޯވަރުން ތިބެއެވެ. 2016 ވަނަ އަހަރު އިންސްޓަގްރާމް އަށް ވަން އޭނާ ލާ ވީޑިއޯތަކަށް ބޮޑު ސަމާލުކަމެއް ލިބެއެވެ. އޭނާ ޕްރޮފައިލް މެނޭޖް ކުރަމުން ދަނީ އިޑިއޮޓިކް މީޑިއާ އިންނެވެ. އެއަށް އޭނާގެ ރީތި ފޮޓޯތަކާއި، އެތައް ވީޑިއޯއެއް ލަމުން ދެއެވެ.
ކޮމެންޓު ފޮނުވާ