ސުވޭސް ކެންލަގައި ތާށިވެފައި އޮތް ބޯޓު ފުން ކޮށްފި

ސުވޭސް ކެނަލްގައި ތާށިވެފައި އޮތް ބޯޓު ފުންކޮށް، ބޯޓު ދަތުރު ކުރަން ފަށައިފިއެވެ.

މަންޒަރު ދުށްމީހުން ބައެއް މީޑިއާތަކަށް މައުލޫމާތު ދީފައިވާ ގޮތުގައި، ދުނިޔޭގައި މިވަގުތު އޮތް އެންމެ ބޮޑު ކާގޯ ބޯޓުތަކުގެ ތެރޭގައި ހިމެނޭ، މި ކާގޯ ބޯޓު، ފުންކޮށް މިހާރުވަނީ، ސުވޭސް ކެނަލްގެ މެދު ދަތުރު ކުރަން ފަށާފައެވެ.

މިސްރުގެ ޓީވީ ޗެނަލްތަކުންވެސް އަދި އާގު ބޯޓުތައް ޓްރެކްކުރާ އެޕްލިކޭޝަންތަކުންވެސް ވަނީ، މި ބޯޓު ދަތުރުކުރަމުންދާ މަންޒަރުތައް ދައްކާފައެވެ.

ބޯޓު ބީހިފައިއޮތްތަނުން ދުރަށް ޖައްސާފައިވަނީ، ޓަގް ބޯޓުތަކުގެ ބޭނުން ކޮށްގެން، އަދި ދިޔަވަރު ބޮޑުވި ވަގުތާ ދިމާކޮށެވެ. ހޯމަ ދަވަހުގެ ހެނދުނުގެ ވަގުތެއްގައި، މިސްރުގެ ސުވޭސް ކެނަލް އޮތޯރިޓީ (SCA)އިން ބުނެފައިވަނީ، އެވަރ ގިވެން ނަމަކަށް މިޔާ މި ކޮންޓެއިނަރ އާގު ބޯޓު ފުންކުރެވި، އޮތްތަނުން ގުޑުވާލެވިފައިވާ ކަމަށެވެ.

މި އާގުބޯޓު ފުންކުރެވިފައިވަނީ، މުޅި ދުނިޔޭގެ ކާގޯގެ %12 އެ ކަޑުއޮޅިއަކުން ދަތުރުކުރާ، މިސްރުގެ ސުވޭސްކެނަލްގެ ހުރަހަށް ވާގޮތަށް މި ބޯޓު ތާށިވެ، މި ކެނަލް ބެދި، މުޅި ދުނިޔޭގެ ކާގޯއަށް މީގެ އަސަރު ކޮށްފައިވަނިކޮށް، މި ބޯޓު ފުންކުރުމަށް މެދު ނުކެޑި 7 ދުވަސް ވަންދެން ކުރެވުނު މައްސަކަތުގެ ނަތިޖާއެއްގެ ގޮތުންނެވެ.

މި ބޯޓު ސުވޭސްކެނަލްގެ ހުރަހަށް ވާގޮތަށް ތާށީވުމުގެ ސަބަބުން، އެފްރިކާ ބައްރު ހުރަސް ކޮށް ކުރުމަގަކުން އާގު ބޯޓުތަކަށް ދަތުރު ކުރުމުގެ ފުރުސަތު ގެއްލި، މިހާރު މި ބޯޓުތަކަށް ދަތުރު ކުރަން ޖެހިފައިވަނީ، މުޅި އެފްރިކާ ބައްރު ވަށާ ޖެހުމަށްފަހުގައެވެ. ނަތީޖާއަކަށް ވެގެންދާނީ، މި ބޯޓުތަކުން އުފުލާ މުދާތައް މަންޒިލާ ހަމައަށް ދަތުރު ކުރުމުގައި އެތަކެއް ދުވަހެއް ލަސްވެގެން ދިއުމެވެ.

މުޅި ދުނިޔޭގައި، ކަނޑު ހުރަސްކޮށް އުފުލޭ ކާރގޯގެ %12 އުފުލުމަށް ބޭނުންކުރެވޭ މި މަގު ބަންދު ވެފައި އޮތުމުގެ ސަބަބުން، ކޮންމު ދުވަހަކަށް، އޭޝިއާ އަދި ޔޫރަޕާ ދެމެދު އުފުލޭ 9.6 ބިލިއަން އެމެރިކާ ޑޮލަރުގެ އަގުހުރި ގާކޯ އޭގެ މަންޒިލްތަށް ފޯރުކޮށް ނުދެވި ދަނީ ހިފެހެއްޓެމުންނެވެ. އަދި، 193 ކިލޯ މީޓަރު ދިގު މި ކެނަލްގެ ދެކޮޅުގައި މިހާރުވެސް، 200 އާގުބޯޓަށް ދަތުރު ކުރެވޭނެ ގޮތެއް ނެތިފައި މިހާރުވެސް އެބައޮތެވެ.