މަޝްހޫރު ފިލްމީ ތަރި ސޯނަމް ކަޕޫރު ހުކުރު ދުވަހު ވަނީ އިންސްތަގްރާމަށް ފޮޓޯއެއް ދޫކޮށްލާފަ އެވެ. މި ފޮޓޯއަކީ ފިރިމީހާ އާނަންދަށްޓަކައި އޭނާގެ އިސްތަށިގަނޑު ދަނބު ކުރިފަހުން ދޫކޮށްލި މިފަދަ ފުރަތަމަ ފޮޓޯ އެވެ.
މި ފޮޓޯއަށް ވަނީ ސޯނަމްގެ އައިލާގެ ގިނަ މެންބަރުންނާއި ރައްޓެހިންގެ ތައުރީފު ލިބިފަ އެވެ. އެގޮތުން ތައުރީފުގެ ގިނަ އަދަދެއްގެ ކޮމެންޓާއިި ލައިކް ވަނީ މި ފޮޓޯއަށް ލިބިފައެވެ.
ބޮލީވުޑްގެ ފެޝަނިސްޓާރެއްގެ ގޮތުގައި މަޝްހޫރު ސޯނަމް މި ފޮޓޯއިން ފެނިގެން ދަނީ ދަނބުކުލަައިގެ ހެދުމެއްގަ އެވެ. އަދި އިސްތަށިގަނޑު މައްޗަށް އައްސާފައި ވަނީ ޕޯނީ ޓެއިލްއެއް ހަދާލާފައެވެ. ފޮޓޯއިން އެންމެ ބޮޑަށް އަޅައިގަންނަ އެކައްޗަކީ ސޯނަމްގެ ކަންފަތުލާ މުންޖެވެ. އޭނާގެ ދެ ކަންފަތުގައި ބޮޑު ރަންކުލައިގެ އެފިލް ޓަވަރު ސިފަވާ ކަންފަތުލާ މުންޖެއް ލާފައިވެއެވެ.
View this post on Instagram
މި ވަގުތު ޔޫއެސްގައި ހުރި ޖާންވީ ކަޕޫރު ވަނީ މި ފޮޓޯއަށް "އޯއެމްޖީ" ޖަހައި ހާޓް އެމޯޖީ އަކާއެކު ކޮމެންޓް ކޮށްފަ އެވެ. ސޯނަމާއި ޖާންވީ އާއިލީ ގޮތުން ގުޅިފައި ވުމުގެ އިތުރުން މި ދެމެދުގައި ގުޅުން ވަރަށް ވަރުގަދައެެވެ. މީގެ އިތުރުން ޖެކޮލިން ފެރްނާންޑޭޒް ވެސް ވަނީ "ވާއު ސްޓަނިންގ" ޖަހައި ކޮމެންޓް ކޮށްފައެވެ. ބުނެވޭ ގޮތުގައި ސޯނަމް އާއި ޖެކީ އަކީ ވަރަށް ގާތް ރަހުމަތްތެރިންނެވެ. މީގެ އިތުރުން ތަމަންނާ ބާޓިއާ ވެސް ވަނީ "ހާޓް އައި އެމޯޖީ" ތަކެއް ކޮމެންޓް ކޮށްފައިއެވެ.
ޔޫކޭ ގައި ދިރިއުޅެމުންދާ ސޯނަން މި ވަގުތު ދަނީ އޭނާގެ ކުރިއަށް އޮތް ފިލްމް ބްލައިންޑްގެ މަސައްކަތްތަކެއް ސްކޮޓްލެންޑްގައި ކުރަމުންނެވެ. ޖާންވީ މިވަގުތު ބިޒީވެގެން އުޅެނީ އޭނާގެ ފިލްމް "ރޫހީ" ގެ ޕްރޮމޯޝަން ގައެވެ. މީގެ އިތުރުން ޖެކޮލިން މަަސައްކަތް ކުރަމުން ދަނީ އަބީޝެކް ޝަރްމާގެ ކުރިއަށް އޮތް ފިލްމް "ރާމް ސެތޫ" ގައެވެ. މި ފިލްމުގައި އޭނާއާ އެކު ފެނިގެން ދާނީ އަކްޝޭ ކުމާރާއި ނުޝްތަރު ބަރޫޗާ އެވެ.
2 Responses
Raam setu aky film ge nan
ޝުކުރިއްޔާ، ލިއުމުގައި ވާ ކުށެއް. އިސްލާހުކޮށްލާފައި ވާނެ.