ސުވޭސް ކެނަލްގެ މަގު ހުރަސް ނައްތާލުމަށް ވަރުގަދަ މަސައްކަތް ތަކެއް

ދުނިޔޭގެ ބޮޑެތި ޝިޕިންލައިންތައް އެކި ކަންކޮޅުތަކަށް މުދާ ސަޕްލައި ކުރުމަށް ބޭނުން ކުރާ ސުވޭސް ކެނަލްގައި ހުރަހަށް ވާގޮތަށް ބޮޑު އާގު ބޯޓެއް ތާށިވެ، މި ކެނަލް ބަންދުވެ، ދުނިޔޭގެ ޝިޕިންގެލައިންތަކުން އެކި ގައުމުތަކަށް މުދާ ސަޕްލައި ކުރުމުގައި ބޮޑެތި ހުރަސްތަކެއް ކުރިމަތި ވެފައިވަނިކޮށް، މި ބޯޓު ފުންކަށް، ސީދާ ކުރުމަށް މުޅިން އާ މަސައްކަތްތަކެއް ކުރުމަށް ތައްޔާރުވަމުން ދާކަމުގައި، މި އާގު ބޯޓު ދުއްވާ ޖަޕާންގެ ކުންފުނިން ބުނެފިއެވެ.

މި ބޯޓު ދުއްވަމުންދާ ޖަޕާންގެ ކުންފުނިން ބުނެފައިވަނީ، ބޯޓު ފުންކޮށް، ކެންލަގެ ތެރެއިން ދަތުރު ކުރެވޭ ގޮތަށް ސީދާ ކުރުމަށް ހަމަޖެހިގައިވަނީ، އޮއިވަރަށް އަންނަ ބަދަލުތައް ބޭނުން ކޮށްގެންނެވެ.

އެމްވީ އެވަރ ގިވަން ނަމަކަށް ކިޔާ، ދުނިޔޭގެ އެންމެ ބޮޑު އާގު ބޯޓުތަކުގެ ތެރޭގައި ހިމެނޭ މިބޯޓު ހުރަހަށް ވާގޮތަށް، ކުރިޔަށް ނުދެވި ސުވޭސް ކެނަލްގައި ތާށިވީ ވޭދިޔަ ހަފްތާގެ އަންގާރަ ދުވަހުއެވެ. ސުވޭސް ކެނަލްއަކީ، މިސްރުގެ ސުވޭސް ނަމަކަށް ކިޔާ ސިޓީގެ، ދެކުނު ދޮރާށީގެ އުތުރުން، އާގު ބޯޓުތައް ދަތުރު ކުރުމަށް ފުންކޮށް ކޮނެފައި އޮންނަ 193 ކިލޯ މީޓަރު ދިގު ކޯރެކެވެ.

މި ބޯޓު ސުވޭސް ކެނަލުން ދަތުރު ކުރަމުން ދަނިކޮށް، ޖެހެމުން ދިޔަ ވައިގެ ބާރުގައި، ވެލީގެ ތޫފާނެއް އައިސް، މުޅި ސަރަހައްދު ފުސްވެ، ކެނަލްގެ ހުރަވާގޮތަށް ބޯޓުގެ މިސްރާބު ބަދަލުވެ، ބޯޓު ތާށިވުމާއި ގުޅިގެން، އެހެން އާގު ބޯޓުތަކަށް ސުވޭސް ކެނަލް ހުރަސް ދަތުރު ކުރެވޭ ގޮތް ވަނީ ނުވެފައެވެ. ނަތީޖާއެއްގެ، އެފްރިކާ ބައްރު ހުރަސް ކޮށް ކުރުމަގަކުން ބޯޓުތަކަށް ދަތުރު ކުރުމުގެ ފުރުސަތު ގެއްލި، މިހާރު މި ބޯޓުތަކަށް ދަތުރު ކުރަން ޖެހިފައިވަނީ، މުޅި އެފްރިކާ ބައްރު ވަށާ ޖެހުމަށްފަހުގައެވެ. ނަތީޖާއަކަށް ވެގެންދާނީ، މި ބޯޓުތަކުން އުފުލާ މުދާތައް މަންޒިލާ ހަމައަށް ދަތުރު ކުރުމުގައި އެތަކެއް ދުވަހެއް ލަސްވެގެން ދިއުމެވެ.

ޖަފާނުގައި، ހުކުރު ދުވަހު ބޭއްވި ނޫސްވެރިންގެ ބައްދަލު ވުމެއްގައި، އެމްވީ އެވަރ ގިވަން އާގު ބޯޓު ދުއްވަމުންދާ ކުންފުނީ ރައީސް ޝޮއި ކައިސެން ވިދާޅުވެފައިވަނީ، މިހާތަނަށް ބެލި ބެލުމުން ބޯޓުގެ އިންޖީނަށްވެސް، އަދި ބޯޓުގެ އެހެން އެއްވެސް އާލާތަކަށްވެސް ގެއްލުމެއް ލިބިފައިއެއް ނުވެއެވެ.

"ބޯޓު ނުދުއްވި އޮތުން އެކަނި. ބޯޓުގެ ރާޑަރ ސިސްޓަމަށްވެސް، އަދި ބުރަފައްޗަށްވެސް އެއްވެސް ގެއްލުމެއް ލިބިފައެއް ނުވޭ. ފުން ކުރެވުމާއެކު، ބޯޓު އޮޕަރޭޓް ކުރެވެން ފެށޭނެ،" ޔުކިޓޯ ހިގަކި، ޖަޕާނުގެ ސިޓީއެއް ކަމުގައިވާ އިމްބަރީގައި ބޭއްވުނު ނޫސްވެރިންގެ ބައްދަލުވުމުގައި ވިދާޅުވެފައި ވެއެވެ.

ބޯޓު ފުންކުރުމުގެ މަސައްކަތް ކުރަމުންދާ ކުރޫން ގަބޫލު ކުރާގޮތުގައި، ހޮނިހިރު ދުވަހުގެ ހަވީރުގެ ވަގުތެއްގައި، އޮއިވަރު ރަގަޅުވެގެން ދިއުމާއެކު، ބޯޓަށް ދަތުރު ކުރެވެން ފެށޭނެކަމަށް އޭނާ ވިދާޅުވެފައި ވެއެވެ.

"އިތުރު ޑްރެޖިންގ ސާމާނު ބޭނުން ކޮށްގެން، ބޯޓު ބީހިފައި އޮތް ދިމާލުން ވެލިނަގާ، ބޯޓު ފުންކުރުމުގެ މަސައްކަތް މިހާރުވެސް ދަނީ ކުރިޔަށް،" އޭނާ އިތުރަށް ވިދާޅުވެފައި ވެއެވެ.

"މުޅި ސުވޭސް ކެނަލް ބަންދުވެ، މި ހާދިސާގެ ސަބަބުން ޓްރެފިކް ބޮލޮކް ވެގެން ގޮސްފައިވާތީ އެންމެހާ ފަރާތްތަކުގެ ކިބައިން އަހަރުމެން މާފަށް އެދެން."

މުޅި ދުނިޔޭގައި، ކަނޑު ހުރަސްކޮށް އުފުލޭ ކާރގޯގެ %12 އުފުލުމަށް ބޭނުންކުރެވޭ މި މަގު ބަންދު ވެފައި އޮތުމުގެ ސަބަބުން، ކޮންމު ދުވަހަކަށް، އޭޝިއާ އަދި ޔޫރަޕާ ދެމެދު އުފުލޭ 9.6 ބިލިއަން އެމެރިކާ ޑޮލަރުގެ އަގުހުރި ގާކޯ އޭގެ މަންޒިލްތަށް ފޯރުކޮށް ނުދެވި ދަނީ ހިފެހެއްޓެމުންނެވެ. އަދި، 193 ކިލޯ މީޓަރު ދިގު މި ކެނަލްގެ ދެކޮޅުގައި މިހާރުވެސް، 200 އާގު ބޯޓަށް ދަތުރު ކުރެވޭނެ ގޮތެއް ނެތިފައި މިހާރުވެސް އެބައޮތެވެ.