ބޮޑު މޮޅަކާއެކު ޗެކްރިޕަބަލިކުން ކޮލިފައިން ފަށައިފި

ވޯލްޑްކަޕް ކޮލިފައިންގައި ޗެކްރިޕަބްލިކުން ބޮޑު މޮޅަކާއެކު ފަށައިފިއެވެ.

ޕޯލެންޑްގައި ކުޅުނު މެޗު އެސްޓޯނިޔާ ދެކޮޅަށް ކުޅެ ޗެކްރިޕަބްލިކުން ކާމިޔާބުކުރީ 6-2 ލަނޑުންނެވެ. މެޗުގެ ޗެކް ރިޕަބްލިކްގެ ތުމަސް ސޯސްޗެކް ވަނީ ތިން ލަނޑުޖަހާ ހެޓްރިކް ހަދާފައެވެ. އޭނާ ވަނީ މިހާތަނަށް ޗެކްރިޕަބްލިކްގެ ގައުމީ ޓީމަށް ކުޅުނު 29 މެޗުގައި ރޭގައި ޖެހި ތިންލަނޑާއެކު ހަތަރު ލަނޑު ހަމަކޮށްފައެވެ.

މޭގެ ކުރިން އޭނާ ވަނީ ޗެކްރިޕަބްލިކް ލީގުގެ 2016ވަނަ އަހަރު ހެޓްރިކް ހަދާފައެވެ. ސޯސްޗެކް ވަނީ މި ސީޒަންގައި އިނގިރޭސި ކުލަބް ވެސްޓްހޭމްއަށް ކުޅުނު 32 މެޗުގައި 9 ލަނޑު ކާމިޔާބުކޮއްފައެވެ. ދެން މިމެޗުގައި ޗެކްރިޕަބްލިކްއަށް ލަނޑުތައް ޖަހައިދިނީ ޖުކަބް ޖަންޓޯ، ޕެޓްރިކް ސްޗިކްގެ އިތުރުން އެންޓޯނިން ބަރަކްއެވެ. ރޭގައި ހޯދި ބޮޑު މޮޅާއެކު ޗެކްރިޕަބްލިކް އޮތީ ގުރޫޕްގެ އެއްވަނައިގައވެ.

ދެވަނަގައިވާ ބެލްޖިއަމް ރޭ ވަނީ ވޭލްސްގެ މައްޗަށް 3-1 ލަނޑުން ކުރި ހޯދާފައެވެ.