ފުރަބަންދު ނިމުމާއި އެއްކޮށް ބިޒީވި ފިލްމީ ތަރިންގެ ތެރޭގައި ޖާންވީ ކަޕޫރު ހިމެނެއެވެ. އެގޮތުން ވަކިން ހާއްސަކޮށް މި މާރިޗު މަހަކީ ޖާންވީ ވަރަށް ބިޒީވި މަހެކެވެ.
ފިލްމު "ރޫހީ"ގެ ޕްރޮމޯޝަން ތަކުގައި އުޅެމުން އަނާންދް އެލް ރާއީގެ ކުރިއަށްއޮތް ފިލްމް "ގުޑް ލަކް ޖެރީ"ގެ ޝޫޓިންގައި ވެސް ޖާންވީ ވަނީ ހަރަކާތްތެރިވެފަ އެވެ. ނަމަވެސް ހޮނިހިރު ދުވަހުގެ ވަގުތެއްގައި ޖާންވީ ވަނީ މި ފިލްމުގެ ޝޫޓިން ނިމިއްޖެ ކަމުގެ ޚަބަރު ބެލުންތެރިންނާއި ހިއްސާކޮށްފަ އެވެ. އެހެންކަމުން ޖާންވީ ވަނީ އޭނާއަށް މި ލިބުނު ހުސްވަގުތުގައި އިންސްޓަގްރާމުގައި "އާސްކް މީ އެނީތިން" ސެޝަންއެއް ކުރިއަށް ގެންގޮސްފަ އެވެ.
View this post on Instagram
މި ސެޝަންގައި އޭނާގެ ވިދާ ވަރުގަދަ އިސްތަށިގަނޑު ރީތިކޮށް އޮމާންކޮށް ބެހެއްޓުމުގެ ސިއްރުގެ ވާހަކަވެސް ވަނީ ދައްކާފަ އެވެ. އިތުރަށް ވާހަކަ ދައްކަމުން ޖާންވީ ބުނެފައިވަނީ އޭނާގެ ޑައެޓަކީ ހަތަރު ސަމްސާ އައިސްކްރީމް ކަމަށެވެ. އަދި ދެރަވާ ވަގުތު ކުރަނީ ކީއްހޭ އެހުމުން ޖާންވީ ބުނީ ބާލިހުގައި ބައްދައިގެން ހިތާމަވެރި ލަވަ ކިޔަނީ ކަމުގައެވެ.
އެކުގައި މަސައްކަތް ކުރި މީހުންގެ ތެރެއިން ޖާންވީ އެންމެ ގަޔާވަނީ ޕަންކަޖް ތްރިޕާޓީ ކަމަށްވެސް މި ސެޝަންގައި ޖާންވީ ވަނީ ބެލުންތެރިންނާ ހިއްސާކޮށްފަ އެވެ.
ހިންދީ ފިލްމު "ރޫޙީ"ގެ އިތުރުން ދެން ޖާންވީ ފެނިގެން ދާނީ ކަރަންޖޯހަރްގެ ފިލްމު "ދޯސްތާނާ 2″ އިންނެވެ. މި ފިލްމުގައި ޖާންވީ އާއި އެކުގައި ފެނިގެންދާނީ ކާތިކް އާރިޔަން އަދި ލަކްޝަޔާއެވެ. މި ފިލްމަކީ 2008 ވަނަ އަހަރުގެ ނެރުނު ކަރަންޖޯހަރުގެ ލޯބީގެ ޑްރާމާ "ދޯސްތާނާ"ގެ ސީކުއެލް އެކެވެ.
