ޓްރަމްޕް ފޯސް ވަންގެ ނަމުން މަޝްހޫރު ވެގެންދިޔަ، ރަނުގެ ޕްލޭޓުން އެތެރޭގެ އެކިއެކި ބައިތައް ޖަރީކޮށްފައިވާ، ބޮައިންގ 757 މަރުކާގެ މަތިންދާ ބޯޓު، ބޭނުން ނުކޮށް އެތައް މަހެއްވަންދެން، ނިއުޔާކުގެ ކުޑަ އެއަރޕޯޓެއްގައި އޮވެ ވީރާނާ ވަމުންދާ ފޮޓޯތަކެއް ބައެއްމީޑިއާތަކުން އާންމުކޮށްފިއެވެ.

ޓްރަމްޕް އެމެރިކާގެ ރައީސްކަމުގައު ހޭދަ ކުރެއްވި 4 އަހަރު ދުވަހުގެ ތެރޭގައި، ދަތުރުފަތުރު ކުރެއްވުމުގައި ބޭނުން ކުރައްވާފައިވަނީ، އެގައުމަށް ރައީސަށް ޚާއްސަ ކުރެވިފައިވާ މަތިންދާ ބޯޓު އެއަރ ފޯސް ވަންއެވެ.

ވެެރިކަމަށް ވަޑައިގެންނެވުމުގެ ކުރިން، ދަތުރު ކުރެއްވުމުގައި، އަދި ވަކީން ޚާއްސަކޮށް، 2015 އަދި 2016 ވަނަ އަހަރު، އެމެރިކާގެ ރައީސްކަމަށް ވަޑައިގަންނަވަން ކުރެވި ކެމްޕޭން ދަތުރުތަކުގައި ޓްރަމްޕް އާންމުކޮށް ބޭނުން ކުރެއްވި އަމިއްލަފުޅު މި ބޯޓަކީ، މައިކްރޯ ސޮފްޓް ބިލިއަނަރ ޕައުލް އެލެން އަތުން 2010 ވަނަ އަހަރު ޓްރަމްޕް ބައްލަވައިގެންފައިވާ ބޯޓެކެވެ. އޭރު، ޓްރަމްޕް މި ބޯޓު ބައްލަވައި ގެންނެވިއިރު މި ބޯޓަށް 19 އަހަރު ވެފައިވި ނަމަވެސް، ބޯޓު ބައްލަވައި ގަތުމަށްފަހު ޓްރަމްޕް ވަނީ، ބޯޓުގެ އެތެރއާއި ބޭރަށް ބޮޑެތި ބަދަލުތަކެއް ގެންނަވާފައެވެ. މީގެ ތެރޭގައި މި ބޯޓުގެ ބޭރުގައި ބޮޑު އަކުރުން ޓްރަމްޕްގެ ނަން ފެވުން ހިމެނެއެވެ.

އަދި މީގެ އިތުން، ޓްރަމްޕް ވަނީ، މި ބޯޓުގެ އިންޓިރިއަރ (އެތެރޭގައި ބައިތައް)އަށް، އަގުބޮޑު ލެދަރއިން ކަވަރުލައްވާފައިވާ ސޯފާ ތަކާއި، 24 ކެރެޓް ރަން ޕްލޭޓުން ޖަރީ ކޮށްފައިވާ ބަކްލް (ޝީޓް ބެލްޓްގެ ތަޅުތައް)ތަކާއި، ދޮރުތަކުގެ ތަޅުތަކާއި މަކުޑިތައްވެސް ހިމެނޭގޮތަށް ބޮޑެތި ބަދަލުތައް ގެންނަވާފައެވެ. އަދި ބޮއިން 757 މަރުކާގެ މި ބޯޓު ވެގެން ދިޔައީ، ޓްރަމްޕް އަތުގައި އޮތް އެންމެ އަގުބޮޑު މަތިންދާ ބޯޓު ކަމުގައެވެ.

އެހެންނަމަވެސް، ބެލެވޭ ގޮތުގައި، އެމެރިކާގެ ކުރީގެ ރައީސް ޑޮނަލްޓް ޓްރަމްޕް މިހާރު މިވަނީ، މި ބޯޓު އިތުރަށް ބޭނުންކުރުމުގެ ވިސްނުން ދޫކޮށްލައްވާފައެވެ. އަދި އަގުބޮޑު މިމަތިންދާ ބޯޓު މިހާރު ޕާރކް ކޮށްފައި އޮތީ، އެމެރިކާގެ ނިއު ޔޯކުގެ ކުޑަ އެއަރޕޯޓެއް ކަމުގައިވާ ރީޖަނަލް ސްޓިވާރޓް އެއަރޕޯޓުގައި، ވިންޓަރ މޫސުމުގެ ގަދަ ފިނީގައި، މާ ބޮޑު ރައްކާތެރި ކަމެއްވެސް ނެތިއެވެ. ވިންޓަރެގެ ގަދަ ފިނީގައި، ދަބަރު ޖެހުމުން އެއްވެސް ރައްކާތެރި ކަމެއް ނެތި ބޯޑު މިއެއަރޕޯޓުގައި އޮން އޮތްއިރު، ފޮޓޯތަކުން ފެންނަ ގޮތުގައި، ބޯޓުގެ އެއް އިންޖީނުގެ ސައިޒުން ކުޑަވެފައިވާއިރު، މި އިންޖީނު ފޮތިކަޑަކުން ކަވަރު ކޮށްފައި ވެއެވެ. އަދި ފެންނަ ފެނުމަށް ބަލާއިރު، ބޯޓުގެ އަނެއް އިންޖީނުގެ ބައެއް ބައިތަކެއް މިހާރަކު ނެތެވެ.

ފައިތުވެދިޔަ ޖެނުއަރީމަހު ރައީސް ކަމުގައު ދައުރު ފުރިހަމަ ކުރެއްވުމަށްފަހު، މިހާރު ޓްރަމްޕް ދިރި އުޅުއްވަމުން ގެންދަވަނީ، ނިއުޔޯކާއި އެތައް ހާސް މޭލެއްގެ ދުރުގައި އޮންނަ ފްލޮރިޑާގައެވެ. އަދި ބެލެވޭ ގޮތުގައި މި މަތިންދާ ބޯޓު އަލުން އުދުހުމަށް ގެންނަން ޚަރަދު ކުރަންޖެހޭ އެތައް ލައްކަ ޑޮލަރެއް ޚަރަދު ކޮށްގެން މި ބޯޓުގައި އުދުހުމުގެ ޝައުގުވެރިކަމެއް މިހާރު ޓްރަމްޕް ނުގެން ގުޅުއްވައެވެ.

އަދި މީގެ ބަދަލުގައި، ފަހަކަސް އައިސް، އެއްތަނުން އަނެއް ތަނަށް ދަތުރު ކުރެއްވުމުގައި ޓްރަމްޕް ބޭނުން ކުރައްވާފައިވަނީ، ސައިޒުން މިއަށްވުރެ މާ ބޮޑުތަނުންވެސް ކުޑަ، ކެސްނާ 750 ސައިޓޭޝަން X މަރުކާގެ އަމިއްލަފުޅު ޖެޓެވެ. އަދި ޓަރްމަޕް އެންމެ ފަހުން އެމެރިކާގެ ޕާމް ބީޗުން ނިއުޔޯކު ސިޓީއަށް މިމަހުގެ ކުރީ ކޮޅު ކުރެއްވި ދަރުފުޅެއްގައި މިޖެޓް ވަނީ ބޭނުން ކުރައްވާފައެވެ.

އެހެންނަމަވެސް، ޓްރަޕްގް ގާތް ބައެއް މީހުން ބުނެފައިވާ ގޮތުގައި، އެއް އިރަކު ޓްރަމްޕް ފަޚުރެއް ކަމުގައި ދެކެމުން އައި އޭނާގެ މި އަގުބޮޑު މަތިންދާ ބޯޓު ބޭނުންކުރުން ހުއްޓަވާލެއްވި ލެއްވުމަކީ އެމީހުންނަށްވެސް ލިބިގެން ދިޔަ ހައިރާން ކަމެކެވެ.

މި މަތިންދާ ބޯޓަކީ 1991 ވަނަ އަހަރު އުފައްދާފައިވަ ބޯޓެކެވެ. އެހެންނަމަވެސް މި ބޯޓު ބައްްލަވައިގަތުމަށް ފަހު، އިންޓިރިއަރ ޑިޒައިނަރއަކު ބޭނުން ކުރައްވައިގެން، 6 މަސްދުވަހުގެ މުއްދަތުގައި ޓްރަމްޕްވަނީ މި ބޯޓުގެ އެތެރެ މުޅިން ބަދަލު ކުރައްވާފައެވެ.

މި ބޮޑުމިނުގެ 757 މަރުގާ މަތިންދާ ބޯޓުތަކުގައި އާންމުކޮށް، 200 ޕަސެންޖަރުންނަށް ދަތުރު ކުރެވޭ ކަމުގައިވި ނަމަވެސް، މި ބޯޓުގެ އެތެރެއަށް ޓްރަމްޕް ގެންނެވި އަގުބޮޮޑު ބަދަލުތަކާއެކު، މި ބޯޓުގެ ޕަސެންޖަރުންގެ ޖާގަ ބަދަލުވެގެން ދިޔައީ 43 މީހުންގެ ޖާގައަށެވެ. އަދި ބުނެވޭ ގޮތުގައި، މި ބޯޓުގައި ދަތުރު ކުރުމުގެ ފުރުސަތު ޓްރަންޕް ދެއްވަނީ މަދު، އަދި އޭނާގެ ވަރަށް ޚާއްސަ ގާތް މީހުންނަށް އެކަންޏެވެ.

2015 ވަނަ އަހަރު ޓްރަމަޕް ވަނީ ފުޅާ ދާއިރާއެއްގައި އެމެރިކާގެ ރިޔާސީ ކެމްޕޭންގައި މި ބޯޓު ބޭނުން ކުރައްވާފައެވެ. މިގޮތުން މިބޯޓުގައި، އެރަރޕޯޓުތަކުގައި ޓަރްމަޕަށް މަރުހަބާ ކިއުމަށް އޭރު އެއްވާ އެތައް ބަޔަކާއި ބައްދަލުކުރުމަށް އެމެރިކާގެ އެކި ކަންކޮޅުތަކަށް ޓަރަމް ދަތުރު ކުރައްވާފައި ވެއެވެ. މިގޮތުން ބޯޓުގެ ބޭރުގައި ބޮޑު އަކުރުން ޓްރަމްޕް ނަން  'TRUMP' ލިޔެވިފައި ވާތީ، މި ބޯޓު ވެގެން ދިޔައީ، އެ ކެމްޕޭނުގައި ރިޕަބްލިކަން ޕާޓީގެ މާރކެޓިންގެ މުހިންމު އެސެޓަކަށެވެ.

އަދި، ޓްރަމްޕަކީ ކާމިޔާބު ބިލިއަނަރެއްގެ ގޮތުގައި މީހުންގެ ހިތްތަކުގައި ބިންވަޅުނެގި، އެމެރިކާގެ ލީޑަޝިޕަށް ވަޑައިގެންނެވުމުގައި، މިބޯޓުގައި ކުރެއްވި ދަތުރުތަކުން ޓަރަމްޕަށް ބޮޑެތި އެހީތެރިކަމެއް ލިބިގެން ދިޔައެވެ. މިގޮތުން 2015-2016ގެ ރިޔާސީ ކެމްޕޭންގެ ތެރޭގައި، މި މަތިންދާ ބޯޓުގައި ޓްރަމަޕް ކުރެއްވި ދަތުރުފުޅު ތަކުގައި، އޭރު ނެގި ގިނަ ފޮޓޯތަކެއް ދުނިޔޭގެ އެކި ކަންކުޅުތަކުގައި ދައުރު ކޮށްފައި ވެއެވެ.

2016 ވަނަ އަހަރު އެމެރިކާގެ ރިޔާސީ އިންތިޚާބު ކާމިޔާބު ކުރެއްވުމަށްފަހު، ޓަަރަމްޕް މި ބޯޓަށް ނަން ދެއްވާފައިވަނީ، އެމެރިކާގެ ރައީސްގެ ރަސްމީ މަތިންދަ ބޯޓު 'އެއަރ ފޯސް ވަން’އަށް ނިސްބަތް ކޮށް، 'ޓްރަމްޕް ފޯރސް ވަން’ގެ ނަމުންނެވެ.

ޓްރަމްޕް އެއް އިރެއްގައި އޭނާގެ ފަޚުރެއްކަމުގައި ދެކުނު މި މަތިންދާ ބޯޓު މިހާރު ބޭނުން ނުކޮށް ދޫކޮށްލާފައި ވާއިރު، މިހާރު ދަތުރު ކުރައްވަމުން ގެންދަވަނީ، 1997 ވަނަ އަހަރު އުފައްދާފައިވާ، ކެސްނާ 750 ސައިޓޭޝަން X މަރުކާގެ އޭނާގެ ކުޑަ ޖެޓެވެ. މި ޖެޓަކީ އެންމެ 7 މީހުންގެ ޖާގައިގެ ޖެޓަކަށް ވާއިރު، ދަތުރު ކުރުމުގައި، ބޮއިން 757 މަރުކާގެ ބޮޑު ބޯޓު ބޭނުން ކުރުމަށްވުރެ އެތައް ގުނަަކުން ޚަރަދުވެސް ކުޑަވެގެން ދާނެއެވެ.

މިގޮތުން، ޓަރަމްޕްގެ ބޮއިން 757 މަރުކާގެ ބޯޓުގެ ކޮންމެ ދަތުރަކަށް 18،000 އެމެރިކާ ޑޮލަރު ޚަރަދު ކުރަން ޖެހޭއިރު، ދަތުރު ކުރުމުގައި މިހާރު ބޭނުން ކުރައްވާ ސައިޓޭޝަން Xއިން ކުރައްވާ ކޮންމެ ދަތުރަކަށް ޚަރަދު ވަނީ 5،000 އެމެރިކާ ޑޮލަރެވެ.

އެހެން ނަމަވެސް، އެމެރިކާގެ 2024ގައި ބޭއްވުމަށް ހަމަޖެހިފައިވާ ރިޔާސީ އިންތިޚާބުގައިވެސް ޓްރަމްޕް ވާދަ ކުރައްވާނެ ކަމަށް އަޑުފެތުރިފައި ވާއިރު، ޓަރަމްޕްގެ މި އަގުބޮޑު މަތިންދާ ބޯޓު، ކެމްޕޭނަށް ޚާއްސަކޮށް އަލުން އުދުހުމަށް އިއާދަ ކުރައްވަފާނެ ކަމަށްވެސް ގިނަ ފަރާތްތަކުން ލަފާ ކުރެއެވެ.