އެމެރިކާގެ ރައީސް ދަތުރުކުރެއްވުމަށް ޚާއްސަ މަތިންދާ ބޯޓު، އެއަރފޯސް ވަންއަށް އަރުއްވަނިކޮށް، މަތިންދާ ބޯޑުގެ ސިޑިމަތިން ފައި ކައްސާލައިގެން، ތިން ފަހަރަށް ވެއްޓި ވަޑިގެންފިއެވެ.
އުމުރުން 78 އަހަރުގެ ބައިޑްން ބޯޓުގެ ސިޑިން ފައި ކައްސާލއިގެން ވެއްޓި ވަޑައިގެންފައިވަނީ، އެގައުމުގެ ޖޮއިންޓް ބޭސް އެންޑްރޫ އިން ފްލައިޓަށް އަރައިވަޑައި ގަންނަވަނިކޮށެވެ.
ރަންވޭގައި މަޑުކޮށްގެން އޮތް އެއަރ ފޯސް ވަން އަށް އަރާވައޑައިގަތުމަށް، ގިނިކަންޏާ ހިންގަވާފަ ވަޑައިގެން، ސިޑިއަށް އަރާވަޑައިގަތުމުގެ ކުރިން އެންމެ ފުރަތަމަ ބައިޑް ވަނީ، ކަރީގައި ހުންނެވި ސުކިއުރިޓީ ގާޑަށް ސެލިއިޓް ކުރައްވާފައެވެ.
ސެލިއުޓް ކުރެއްވުމަށްފަހު، ފްލައިޓުގެ ސިޑިން މައްޗަށް ވަޑައިގަންވަމުން ގޮސް، ސިޑީގެ މެދަކާ ހަމައަށް ވަޑައިގެންނެވުނު ތަނާކަހަލަ ގޮތަކަށް ފައި ކައްސާލުމަށްފަހު ފުރަތަމަ ކުޑަކޮށް ވެއްޓިވަޑައިގަތުމާއެކު، ބައިޑް ތެދުވެ ވަޑައިގެންނެވިއެވެ. ތެދުވެ، ޖެހިގެން ހުރި ސިޑިއަށް އެރުއްވިތަނާ އަނެއްކާވެސް ވެއްޓިވަޑައިތުމާއެކު ތެދުވެވަޑައި ގަތެވެ. އަދި ތިންވަނަ ފަހަރަށް، ވަރަށް ފައި ކައްސާލުމާއެކު ސިޑި މައްޗަށް ވަރަށް ބޮޑަށް ވެއްޓިވަޑއިގަތެވެ.
ތިންވަނަ ފަހަރަށް ވެއްޓިވަޑައިގަތުމަށްފަހު، އަމިއްލަފުޅަ ތެދުވެ ވަޑައިގެން، ބައިޑްން ފައިގެ ކަށީމަތީގައި އަމިއްލަ އަތުން ފިރުމި މަންޒަރު ފެނިފައި ވެއެވެ. ބެލެވޭގޮތުގައި ތިންވަނަ ފަހަރަށް ވެއްޓި ވަޑައިގެން ކަށިމަތި ސިޓީގައި ޖެހި، ބައިޑްންގެ ފަޔަށް ތަދުވެފައި ވެއެވެ.
ސިޑިމަތިން ތިން ފަހަރަށް ވެއްޓިވަޑައިގަތް އިރުވެސް، ބައިޑްންގެ އަރިހުގައި ސިޑިމަތީގައި ސެކިއުރިޓީ އޮފިޝަލަކު ނެތެވެ. އަދި އެހީތެރި ވެދިނުމުގެ ގޮތުން ސެކިއުރިޓީ އޮިޝަލަކު އެވަގުތު ވަޑައިގެންފައެއްވެސް ނެތެވެ.
އެހެންނަމަވެސް، ފަހުން ވައިޓް ހައުސްއިން މައުލޫމާތު ދީފައިވަނީ، މި ހާދިސާގެ ސަބަބުން، ބައިޑްންއަށް އެއްވެސް ގެއްލުމެއް ލިބިފައި ނުވާކަމަށާއި އަދި ހާލުކޮޅު މުޅިން ބަރާބަރު ކަމުަގއެވެ.
ބައިޑްންގެ ސިއްޙީ ހާލުކޮޅާއި ގުޅިގެން އިދިކޮޅު ސިޔާސީ ބޭފުޅުން އަބަދުވެސް ސުވާލު އުފައްދައެވެ. އަދި އެމެރިކާގެ ކުރީގެ ރައީސް ޑޮނަލްޑް ޓްރަމްޕް ކެމްޕޭން ތެރޭގައި މުޅިންވެސް ބައިޑްންއަށް އޭރު މުޚާތަބު ކުރައްވަމުން ގެންގޮސްފައިވަނީ، ނިޖެހިފައި އިންވާ ބޭފުޅެއްގެ ގޮތުގައެވެ.
ބައިޑްންއަކީ އެމެރިކާގެ ރައީސްކަން ކުރައްވާ އުމުރުން އެންމެ ދުވަސްވީ ރައީސެވެ.
