ދިރާގު ދިވެހި ޕްރިމިއާ ލީގު އަލުން ފެށުމަށް ކުރެވޭ މަސައްކަތްތަކުގެ ދަށުން މާޒިޔާއިން ހަދިޔާކުރި ޑިސްއިންފެކްޓް ގޭޓެއް ގަލޮޅު ފުޓުބޯޅަ ދަނޑުގައި ހަރުކޮށްފިއެވެ.
މިއީ މާޒިޔާ ސްޕޯޓްސް ކުލަބުގެ ފަރާތުން ހަދިޔާކުރި ގޭޓެކެވެ. މި ގޭޓު އެ ކުލަބަށް ސްޕޮންސާކޮށްދިނީ މެޑިކުއިޕް މޯލްޑިވްސްއެވެ. އެފްއޭއެމްގެ ރައީސް ބައްސާމް އަދީލް ޖަލީލް ކުރެއްވި ޓްވީޓެއްގައި ވަނީ މި ހަދިޔާކޮށްދެއްވި ކަމަށްޓަކައި ދެ ފަރާތަށްވެސް ޝުކުރުއަދާކޮށްފައެވެ. ކޮވިޑުގެ ހާލަތާއި ގުޅިގެން ކުޅުން މެދުކަނޑާލާފައިވާ ދިވެހި ޕްރިމިއަރ ލީގުގެ މެޗުތައް މިމަހުގެ 21 އަލުން ފެށުމަށް މަސައްކަތްކުރަމުން އަންނަ ކަމަށާއި އަމާޒަކީ އެ ތާރީހުގައި މެޗުތައް ފެށުން ކަމަށް އެފްއޭއެމުން ވަނީ މީގެކުރިން ބުނެފައެެވެ.
ލީގުގެ ކުޅުން އަވަހަށް ފަށަން މަސައްކަތްކުރަނީ ކުރިޔަށް އޭއެފްސީ ކަޕުގެ މެޗުތައް އޮތުމާއެކުއެވެ. މި މުބާރާތުގައި ވާދަކުރާ ރާއްޖޭގެ ޓީމުތަކަށް ތައްޔާޜުވާނެ ވަގުތު ދިނުމުގެ ގޮތުން އަވަހަށް ކުޅުން ފެށުމަށް މަސައްކަތް ކުރަނީވެސް އެ ސަބަބާހުރެއެވެ.
ކޮމެންޓު ފޮނުވާ