އަންނަ މަހު އެއް ވަނަ ދުވަހު ވޮލީބޯލް އެސޯސިއޭޝަން އޮފް މޯލްޑިވްސް (ވީއޭއެމް)ގެ އިންތިހާބު ބާއްވާގޮތަށް ހަމަޖެހިއްޖެއެވެ.
އެޑްހޮކް ކޮމިޓީގައި އޮލިމްޕިކް ކޮމިޓީގެ ފަރާތުން ހިމެނިވަޑައިގަންނަވާ އެ ކޮމިޓީގެ މެމްބަރު އަދި ބެޑްމިންޓަން އެސޯސިއޭޝަން އޮފް މޯލްޑިވްސް (ބީއޭއެމް)ގެ ރައީސް މޫސާ ނާޝިދު ވިދާޅުވީ ފާއިތުވި ދޮޅު އަހަރެއްހާ ދުވަހު ރާއްޖޭގެ ވޮލީ ހިންގުމުގައި މި ހުރި މައްސަލަތަކަށް ހައްލެއް ހޯދުމަށް ކޮމިޓީން ކުރި މަސައްކަތުގައި އެންމެ ފަހުން އަލިމަގެއް ފެނިފައިވާ ކަމަށެވެ.
މޫސަ ވިދާޅުވީ ކޮމިޓީން މިހާތަނަށް ކުރެވިގެންދިޔަ މަސައްކަތުން ފެނިގެންދިޔަ އެއް ކަމަކީ ވޮލީބޯޅަ ކޮމިއުނިޓީ ތެރޭގައި އެކި ކަހަލަ ކަންކަމުގައި ހިޔާލު ތަފާތުވުންތައް ގިނަވެ، މައްސަލަތަކެއް އޮތްކަން ކަމަށާއި އުއްމީދަކީ އާ އިންތިހާބެއް ބޭއްވި ދެން ވޮލީގެ މަސައްކަތްތައް ފަށާއިރު މި ކަހަލަ ކަންކަމަށް ރަނގަޅު ހައްލެއް ލިބިގެންދިއުން ކަމަށެވެ.
ވީއޭއެމް އަށް ކުރިމަތިވެފައިވާ މައްސަލަތަކަށް ހައްލެއް ހޯދަން ދުނިޔޭގެ ވޮލީބޯޅަ ފެޑެރޭޝަނާ (އެފްއައިވީބީ) އެކު ރާއްޖޭގެ ސްޕޯޓްސް މިނިސްޓަރު އަހްމަދު މަހުލޫފާއި މޯލްޑިވްސް އޮލިމްޕިކް ކޮމިޓީގެ ސެކްރެޓަރީ ޖެނެރަލް އަހުމަދު މަރުޒޫގު ވަނީ 2019 ވަަނަ އަހަރުގެ ނޮވެމްބަރު މަހު ސްވިޓްޒަލެންޑްގައި މަޝްވަރާކުރައްވައިފަ އެވެ. އެ ފަހަރުގެ މަޝްވަރާތަކަށް ފަހު އެފްއައިވީބީން ވަނީ ވީއޭއެމްގެ ކަންތައްތަކަށް ދެމެހެއްޓެނިވި ހައްލެއް ގެންނަން ހާއްސަ އެޑްހޮކް ކޮމިޓީއެއް އެކުލަވާލައި މަސައްކަތްތަކެއް ފަށައިފަ އެވެ. އެ ކޮމިޓީގައި މޯލްޑިވްސް އޮލިމްޕިކް ކޮމިޓީގެ މެމްބަރަކާއި ލަތީފްގެ ފަރާތުން މެމްބަރެއް ހިމެނެ އެވެ. އެ ކޮމިޓީގެ މަސައްކަތްތައް ރަނގަޅު ދުވެއްޔެއްގައި ދަނިކޮށް ކޮވިޑް-19ގެ ސަބަބުން ލަސްތަކެއް ކުރިމަތިވިއެވެ.
އިންތިހާބު ބޭއްވުމާ އެކު މިިދިޔަ ދެ އަހަރެއްހާ ދުވަހު ހައްލެއް ނުލިބި އޮތް ވީއޭއެމްގެ ކަންބޮޑުވުންތަކަށް ހައްލެއް ލިބޭނެއެވެ.
ކޮމެންޓު ފޮނުވާ