ޕީއެސްޖީ ގަދަ އަށަކަށް

ފްރާންސްގެ ޒުވާން ތަރި ކައިލަން އެމްބާޕޭގެ ދެލަނޑާއެކު ޕީއެސްޖީ މޮޅުވެ ފްރެންޗް ކަޕުގެ ކުއާޓާފައިނަލުން ޖާގަހޯދައިފިއެވެ.

ލީގުގެ އެއްވަނައިގަ މިވަގުތު އޮތް ލިލޭއާ ދެކޮޅަށް ފްރެންޗް ކަޕުގެ ގަދަ 16ގައި ވާދަކުރި މެޗުން ޕީއެސްޖީ ކުރި ހޯދީ 3-0 ލަނޑުންނެވެ. މެޗުގައި 9 ވަނަ މިނިޓުގެ ޕީއެސްޖީ މައުރޯ އިކާޑީ ލަނޑެއް ޖަހައި ކުރިހޯދާފަ ވަނިކޮށް ޕީއެސްޖީ އަށް ލީޑު އިތުރަށް ފުޅާކޮއްދިނީ ލިބުނު ޕެނެލްޓީއަކުން ކައިލަން އެމްބާޕޭ އެވެ. މެޗުގެ ފަހުހާފުގެފަހުކޮޅު ލިލޭ އަށް ޕެނެލްޓީއެއް ލިބުނު ނަމަވެސް އެޓީމަށް ވަނީ ކާމިޔާބުވާގޮތް ނުވެފަ. އެމްބާޕޭ މެޗުގައި ޖެހި ދެވަނަލަނޑު އޭނާ ކާމިޔާބުކުރީ އިތުރު ވަގުތުތެރޭގައިއެވެ.

ރޭގައި މެޗުގައި ޖެހި ދެލަނޑާއެކު މި ސީޒަންގައި އޭނާ ޕީއެސްޖީއަށް ޖަހައިދިން ލަނޑުގެ އަދަދު ވަނީ 27އަށް އަރާފައެވެ. މުބާރާތުގެ އެންމެފަހުގެ ޗެމްޕިއަން ޕީއެސްޖީ ގަދަ އަށަކުން ޖާގަ ހޯދި އިރު އެޓީމުން ވަނީ މި މުބާރާތް 14 ފަހަރު ކާމިޔާބުކޮށްފައެވެ.