ޗެލްސީން ފުރުސަތު ނަގާލައިފި

އިނގިރޭސި ލީގުގައި ލަނޑެއް ނުޖެހި ލީޑްސް ޔުނައިޓެޑާ އެއްވަރުވެ ތިން ވަނަ އަށް އަރަން ލިބުނު ފުރުސަތު ޗެލްސީން ވަނީ ނަގާލައިފިއެވެ.

ޗެލްސީ މޮޅުކޮށްދޭން ކައި ހަވާޓްޒް އާއި ކްރިސްޓިއަން ޕުލިސިޗަށް ރަނގަޅު ފުރުސަތުތަކެއް ލިބިގެންދިޔައިރު، ލީޑްސްގެ ޓައިލާ ރޮބާޓްސް ފޮނުވާލި ހަމަލާއެއް ޗެލްސީ ކީޕަރު އެޑޮއާޑް މެންޑީ ވަނީ މަތަކޮށްފައެވެ. ރޭ ލީގުގެ ހަ ވަނައިގައި އޮތް އެވަޓަން ރޭ ވަނީ އަމިއްލަ ދަނޑުގައި 2-1 އިން ބާންލީ އަތުން ބަލިވެފައެވެ. އެވަޓަން އަށް 28 މެޗުން ލިބިފައިވަނީ 46 ޕޮއިންޓެވެ.

ތިން ވަނައިގައި އޮތް ލެސްޓާ ސިޓީ އަށް 28 މެޗުން 53 ޕޮއިންޓް ލިިފައިވާއިރު، ހަތަރެއްގައި ޗެލްސީ އޮތީ 29 މެޗުން 51 ޕޮއިންޓާ އެކުއެވެ. މިރޭ ކުޅޭ މެޗުން މެންޗެސްޓާ ޔުނައިޓެޑްގެ އަތުން މޮޅުވެއްޖެނަަމަ ފަސް ވަނައިގައި އޮތް ވެސްޓް ހޭމް ޔުނައިޓެޑަށް ލީގުގެ ހަތަރު ވަނައިގައި އޮތް ޗެލްސީއާ ހަމަކުރެވޭނެއެވެ. ވެސްޓް ހޭމް އަށް 27 މެޗުން ލިބިފައިވަނީ 48 ޕޮއިންޓެވެ.